হোজাই, 29 অক্টোবৰ:লণ্ডনত অনুষ্ঠিত হোৱা ‘‘ৱৰ্ল্ড মাৰ্চিয়েল গেমছ 2019’’ত হোজাই যুৱকৰ সাফল্য ৷ ভাৰতক প্ৰতিনিধিত্ব কৰি ব্ৰঞ্জৰ পদক লাভ হোজাইৰ ছামাদ লস্কৰৰ ৷ হোজাই জিলাৰ যমুনামুখ সমষ্টিৰ দক্ষিণ নোৱাবিল গাওঁৰ বাসিন্দা ছামাদ লস্কৰৰ ৷ এটি দৰিদ্ৰ পৰিয়ালৰ সন্তান ছামাদ লস্কৰৰ সফলতাত এতিয়া গৰ্বিত হোজাইৰ দল সংগঠনৰ লগতে স্থানীয় ৰাইজ ৷
আন্তঃৰাষ্ট্ৰীয় পৰ্যায়ত উজলিল হোজাইৰ ছামাদ লস্কৰ - আজমল ফাউণ্ডেচনৰ সহায় ছামাদ লস্কৰক
ভাৰতক প্ৰতিনিধিত্ব কৰি আন্তঃৰাষ্ট্ৰীয় পৰ্যায়ত উজলিল অসমৰ খেলুৱৈ ৷ হোজাই তথা অসমলৈ গৌৰৱ কঢ়িয়াই আনিলে ছামাদ লস্কৰে ৷ লণ্ডনত চলি থকা ‘‘ৱৰ্ল্ড মাৰ্চিয়েল গেমছ 2019’’ত আঁজুৰি আনিলে পদক ৷
আন্তঃৰাষ্ট্ৰীয় পৰ্যায়ত উজলিল অসমৰ খেলুৱৈ
উল্লেখ্য যে, প্ৰতিযোগিতাৰ পূৰ্বে আৰ্থিক অভাৱে হেঙাৰ ৰূপে থিয় দিছিল ছামাদৰ লণ্ডন যাত্ৰাত ৷ পৰৱৰ্তী পৰ্যায়ত একাংশ দল সংগঠন আৰু স্থানীয় ৰাইজৰ সহায়-সহযোগিতাত এই প্ৰতিযোগিতাত অংশ গ্ৰহণ কৰি সফলতা কঢ়িয়াই আনিবলৈ সক্ষম হৈছে ছামাদ লস্কৰে ৷ বিভিন্ন দল সংগঠনেও সহায় সহযোগ কৰিবলৈ আহ্বান জনাইছিল ৷ এই আহ্বানৰ প্ৰতি সঁহাৰি জনাই আজমল ফাউণ্ডেচনে ছামাদৰ লণ্ডনত অনুষ্ঠিত হোৱা প্ৰতিযোগিতাত অংশগ্ৰহণ কৰাৰ বাবে দুই লাখ টকাৰ আৰ্থিক সাহায্য আগবঢ়াইছিল ৷