কুৰি বছৰীয়া হ'ল ধিং এক্সপ্ৰেছ হিমা দাস

2000 চনত আজিৰ দিনটোতে জন্মগ্ৰহণ কৰিছিল অসমৰ অন্যতম খেলুৱৈ হিমা দাসে ৷ আজি গুৱাহাটীৰ কামাখ্যা মন্দিৰত নিজৰ জন্মদিন উদযাপন কৰে হিমাই ৷

গুৱাহাটী, 9 জানুৱাৰীঃ 20 বছৰীয়া হ'ল অসমৰ অন্যতম খেলুৱৈ হিমা দাস ৷ 2000 চনৰ 9 জানুৱাৰী তাৰিখে জন্মগ্ৰহণ কৰিছিল স্বৰ্ণকন্যা হিমাই ৷ নিজৰ জন্মদিনটোত হিমাই উপস্থিত হয় গুৱাহাটীস্থিত কামাখ্যা মন্দিৰত ৷

কামাখ্যা মন্দিৰত নিজৰ জন্মদিন উদযাপন হিমা দাসৰ

পৰিয়ালৰ সৈতে মা-কামাখ্যাৰ আশীষ লৈ সমাজত শান্তি-সম্প্ৰীতি অটুট ৰাখিবলৈ মাৰ ওচৰত প্ৰাৰ্থনা কৰে স্বৰ্ণকন্যাই ৷

সাংবাদিকৰে সৈতে হোৱা বাৰ্তালাপত খেলো ইণ্ডিয়াত অংশগ্ৰহণ নকৰাৰ কথা প্ৰকাশ কৰে হিমাই ৷ অৱশ্যে খেলো ইণ্ডিয়াত অংশগ্ৰহণ নকৰিলেও যুৱ ক্ৰীড়া সমাৰোহৰ সকলো কাৰ্যসূচীতে জড়িত থকাৰ কথা প্ৰকাশ কৰে হিমা দাসে ৷ কাইলৈ গুৱাহাটীত অনুষ্ঠিত হ'বলগীয়া খেলো ইণ্ডিয়াৰ শুভাৰম্ভনি অনুষ্ঠানত সকলো ৰাইজকে উপস্থিত থাকিবলৈ আহ্বান জনায় হিমা দাসে ৷