গুৱাহাটী,19 অক্টোবৰ: গুৱাহাটীৰ ছাই কমপ্লেক্সত শনিবাৰৰ পৰা অনুষ্ঠিত হৈছে বক্সিং কৰ্মশালা। উত্তৰ পূৰ্বাঞ্চলত পোন প্ৰথমবাৰৰ বাবে অনুষ্ঠিত কৰা হৈছে বক্সিং কৰ্মশালা ৷ এই কৰ্মশালাত ৰাজ্যৰ বিভিন্ন প্ৰান্তৰ পৰা বক্সিং খেলৰ লগত জড়িত ৰেফাৰী আৰু বক্সিং খেল পৰিচালনা কৰা অন্যান্য ব্যক্তি সকলক কেনেদৰে এখন খেল সঠিকভাৱে পৰিচালনা কৰা হয় এই বিষয়ে প্ৰশিক্ষণ দিয়া হয় ৷
গুৱাহাটীৰ ছাই কমপ্লেক্সত বক্সিং কৰ্মশালা
এই কৰ্মশালাতে বক্সিং ফেডাৰেচন অফ ইণ্ডিয়াৰ মুখ্য প্ৰশিক্ষক শান্তিয়াগ’ নেইভাৰে প্ৰশিক্ষণ প্ৰদান কৰিছে। কৰ্মশালাৰ প্ৰথম দিনা এক সংবাদমেল অনুষ্ঠিত কৰি শান্তিয়াগ’ নেইভাৰে কয় ভাৰতবৰ্ষত বক্সিঙৰ ভৱিষ্যত উজ্জ্বল। ভাৰতৰ বক্সাৰ সকল যথেষ্ট প্ৰতিভাশালী ৷ উত্তৰ পূৰ্বাঞ্চলত কেইবাগৰাকী প্ৰতিভাৱান বক্সাৰ আছে । বিশেষকৈ অসমৰ শিৱ থাপা আৰু লাভলিনা বুঢ়াগোহাঁইৰ ভাৰতীয় বক্সিং খেলক অধিক আগুৱাই নিয়াৰ প্ৰতিভা আছে ।