স্পৰ্টছ ডেস্ক,২৭ জুলাই :অলিম্পিকত পদক লাভৰ বাবে যুদ্ধ অব্যাহত ৰাখিছে পুৰুষৰ ভাৰতীয় হকী দলে (Indian Hockey Team) । মঙলবাৰে স্পেইনৰ বিৰুদ্ধে সুন্দৰ প্ৰদৰ্শন কৰি ভাৰতে ৩-০ গ'লত জয়লাভ কৰিবলৈ সক্ষম হয় । ভাৰতীয় দলটোৰ ৰুপিন্দৰপাল সিং (Rupinderpal Singh) আৰু চিমৰণজিৎ সিঙৰ(Simranjeet Singh) আকৰ্ষণীয় প্ৰদৰ্শনে টকিঅ' অলিম্পিকৰ পুল এ খেলৰ অ'ই হকী ষ্টেডিয়াম চাউথ পিটছত দলটোক বিজয়ৰ মুখলৈ লৈ যায় ।
মিডফিল্ডাৰ চিমৰণজিতে ১৩ মিনিটত ভাৰতৰ হৈ প্ৰথমটো গ'লেৰে জয়ৰ মুখলৈ আগবঢ়াই লৈ গৈছিল । ৰুপিন্দৰপালে আকৌ খেলৰ ১৫ মিনিটত পেনাল্টি ষ্ট্ৰোকৰ জৰিয়তে দ্বিতীয়টো গ'ল কৰি ভাৰতক প্ৰথম কোৱাৰ্টাৰ মেচ বিজয়ী হোৱাৰ দিশে আগবঢ়াই লৈ যায় । পৰৱৰ্তী সময়ত ৰুপিন্দৰে ৫১ মিনিটত আন এটা গ'লৰ সৈতে ভাৰতক আন এখন খেলৰ বাবে সাজু হোৱাৰ ইংগিত দিয়ে ।