মুখ্যমন্ত্ৰী পাটনায়কৰ ভূৱনেশ্বৰত হকী একাডেমী উদ্বোধন

উৰিষ্য়াত এখন হকী একাডেমীৰ উদ্বোধন কৰে মুখ্যমন্ত্ৰী নবীন পাটনায়কে ৷ একাডেমী খনৰ নাম নাৱাল টাটা হকী একাডেমী (NTHA) ৷

স্পৰ্টছ ডেস্ক, 14 আগষ্ট : উৰিষ্যাৰ মুখ্যমন্ত্ৰী নবীন পাটনায়কে মঙলবাৰে ৰাজ্যখনৰ ক্ৰীড়া প্ৰতিভাসমূহৰ বিকাশ কৰাৰ উদ্দেশ্যে অত্যাধুনিক ক্ৰীড়া সামগ্ৰীৰে নিৰ্মিত এখন হকী একাডেমীৰ উদ্বোধন কৰে ৷ নাৱাল টাটা হকী একাডেমী (NTHA) নামৰ একাডেমী খনৰ উদ্বোধনেৰে পাটনায়কে আশা প্ৰকাশ কৰে যে, একাডেমী খনে যুৱ অলিম্পিয়ান নিৰ্মাণত সহায় কৰিব ৷

এই অনুষ্ঠানত উপস্থিত থাকে টাটা ষ্টিলৰ মুখ্য কাৰ্যবাহী টি. নৰেন্দ্ৰন ৷ নিজৰ ভাষণত নৰেন্দ্ৰনে মন্তব্য কৰে যে, তেওঁৰ কোম্পানীয়ে যুৱ প্ৰতিভাসমূহক সদায় সমৰ্থন কৰি আহিছে ৷ এই একাডেমীৰ জৰিয়তে ৰাজ্যখনৰ প্ৰতিভসমূহক বাছি উলিওৱাত সহায় হ'ব বুলি আশা প্ৰকাশ কৰে মুখ্য কাৰ্যবাহী গৰাকীয়ে ৷