স্পৰ্টছ ডেস্ক, 9 অক্টোবৰ : ফিফা বিশ্বকাপ, 2022 কোৱালিফায়াৰত বাংলাদেশৰ বিৰুদ্ধে যুঁজৰ পূৰ্বে নৰ্থইষ্ট এফচিৰ সৈতে বন্ধুত্বপূৰ্ণ মেচক লৈ উৎফুল্লিত হৈ পৰিছে ভাৰতীয় ফুটবল দলৰ মুখ্য প্ৰশিক্ষক ইগৰ ষ্টিমেক ৷ এই সম্পৰ্কত ষ্টিমেকে মন্তব্য কৰে, "নৰ্থইষ্ট এফচিৰ বিৰুদ্ধে খেলাৰ সুবিধা লাভ কৰাৰ বাবে যথেষ্ট সুখী ৷ এই মেচে বাংলাদেশৰ বিৰুদ্ধে মেচৰ বাবে দলৰ খেলুৱৈসকলক যথেষ্ট সহায় কৰিব ৷ এয়া তীব্ৰ প্ৰতিদ্বন্দিতামূলক হ'ব বুলি আশা কৰিছো ৷"
উল্লেখ্য যে, বাংলাদেশৰ বিৰুদ্ধে মেচৰ পূৰ্বে ভাৰতীয় দলে প্ৰস্তুতিৰ বাবে গুৱাহাটীত বাহৰ পাতিছে ৷ অক্টোবৰৰ 15 তাৰিখে বাংলাদেশৰ বিৰুদ্ধে ছল্ট লেক ষ্টেডিয়ামত তৃতীয়খন অলিম্পিক কোৱালিফায়াৰত অংশগ্ৰহণ কৰিব ভাৰতীয় দলে ৷