স্পৰ্টছ ডেস্ক, ২২ মে': আন্তঃৰাষ্ট্ৰীয় সংবাদ মাধ্যমৰ সৈতে এক বাৰ্তালাপত ভাৰতীয় ফুটবল দলৰ প্ৰশিক্ষক ইগোৰ ষ্টীমাকৰ গুৰুত্বপূৰ্ণ মন্তব্য । COVID-১৯ ৰ ফলত দলৰ পৰিকল্পনা সমূহত ব্যাঘত জন্মিছে যদিও ভাৰতীয় ফুটবলৰ গঠন প্ৰক্ৰিয়া সলনি কৰাৰ সঠিক সুযোগ আহি পৰিছে বুলি উল্লেখ কৰে প্ৰশিক্ষকগৰাকীয়ে । ভাৰতীয় দলটোৰ এপ্ৰিল আৰু মে' মাহত অনুশীলন শিৱিৰৰ বাবে তুৰ্কীত ১০ খন বন্ধুত্ব-পূৰ্ণ মেচ খেলাৰ কাৰ্যসূচী আছিল ।
প্ৰশিক্ষকগৰাকীয়ে লগতে কয়, এই সময়খিনিৰ আমি উচিত ব্যৱহাৰ কৰি বৰ্তমান সময়ত আমি খেলুৱৈৰ জ্ঞান বৃদ্ধি কৰাৰ যত্ন কৰি আছো । মই সুখী অনুভৱ কৰিছো খেলুৱৈ সকলে ব্যক্তিগত অনুশীলন কাৰ্যক্ৰম অনুসৰি নিজৰ অনুশীলন অব্যাহত ৰাখিছে । দলীয় গ্ৰুপতো সদায় খেলুৱৈৰ সৈতে কথা-বাৰ্তা হৈ আছে বুলি উল্লেখ কৰে ।