গুৱাহাটী, 19 অক্টোবৰ: অহা 20 অক্টোবৰৰ পৰা আৰম্ভ হ’ব আই এছ এলৰ ষষ্ঠ সংস্কৰণ ৷ 21 অক্টোবৰত আই এছ এলৰ ষষ্ঠ সংস্কৰণৰ অভিযান আৰম্ভ কৰিব ঘৰুৱা দল নৰ্থ ইষ্ট ইউনাইটেড এফ চিয়ে ৷ যাৰ বাবে গুৱাহাটীৰ সৰুসজাই ষ্টেডিয়ামত কঠোৰ অনুশীলন অব্যাহত ৰাখিছে নৰ্থ ইষ্ট ইউনাইটেড এফ চিয়ে । দলটোৰ মুখ্য প্ৰশিক্ষক ৰবাৰ্ট জাৰ্নীৰ তত্বাৱধানত দলটোৱে চলাই আছে কঠোৰ অনুশীলন কাৰ্যসূচী। এইবাৰ আই এছ এলত শ্ৰেষ্ঠত্বৰ অৰ্জনৰ বাবে বিশেষ ৰণকৌশল প্ৰস্তুত কৰিছে দলটোৱে। 21 অক্টোবৰত বাংগালোৰু এফ চিৰ বিৰুদ্ধে অৱতীৰ্ণ হোৱাৰ বিপৰীতে 26 অক্টোবৰত গৃহভূমি সৰুসজাই ষ্টেডিয়ামত দিল্লী ডাইনামোছৰ বিৰুদ্ধে মুখামুখি হ’ব ঘৰুৱা দলটো ৷
নৰ্থ ইষ্ট ইউনাইটেড এফ চিৰ অনুশীলনস্থলীৰ পৰা লাইভ
ফুটবল জ্বৰত পুনৰ আক্ৰান্ত হ’ব সমগ্ৰ দেশবাসীৰ লগতে অসমৰ ক্ৰীড়াপ্ৰেমী ৰাইজ ৷ অহা 20 অক্টোবৰৰ পৰা আৰম্ভ হ’ব আই এছ এলৰ ষষ্ঠ সংস্কৰণ ৷ 21 অক্টোবৰত বেংগালুৰু এফ চিৰ বিৰুদ্ধে নিজৰ প্ৰথমখন মেচত মুখামুখি হ’ব নৰ্থ ইষ্ট ইউনাইটেড এফ চি ৷
NEUFC Player practice Session
নৰ্থ ইষ্ট দলটোত এইবাৰ ঘানাৰ আছামোৱা জ্ঞান আৰু ক'লম্বিয়াৰ জোছে লিউডো,আৰ্জেন্টিনাৰ ষ্ট্ৰাইকাৰ মেক্সিমিলিয়ান বেৰিৰিঅ'কৰ খেলে সকলো দৃষ্টি আকৰ্ষণ কৰিব বুলি আশা প্ৰকাশ কৰা হৈছে । আনহাতে পোন প্ৰথমবাৰৰ বাবে দলত চুক্তিবদ্ধ কৰা হৈছে অসমৰ ৰাকেশ প্ৰধানক ৷ প্ৰতিভাৱান যুৱ খেলুৱৈগৰাকীৰ প্ৰদৰ্শন চাবলৈও যথেষ্ট উৎসুক দেখা পোৱা গৈছে ঘৰুৱা দৰ্শকক ৷
নৰ্থ ইষ্ট ইউনাইটেড এফ চিৰ জোৰদাৰ অনুশীলন
মুঠৰ ওপৰত আই এছ এলৰ ষষ্ঠ সংস্কৰণত ভাল ফলাফল দেখুৱাবলৈ যথোপযুক্ত চেষ্টা চলাই আছে জন আব্ৰাহমৰ মালিকানাধীন দলটোৱে । পঞ্চম সংস্কৰণত চতুৰ্থ স্থান দখল কৰিবলৈ সক্ষম হৈছিল দলটোৱে ৷