স্পৰ্টছ ডেস্ক, 24 জুলাই : লিভাৰপুল এফ চিৰ অধিনায়ক জৰ্ডান হেণ্ডাৰছনে দখল কৰিছে সন্মানীয় ফুটবল ৰাইটাৰ্চ এচ'ছিয়েচনৰ (FWA) বৰ্ষশ্ৰেষ্ঠ ফুটবলাৰ সন্মান ৷ হেণ্ডাৰছনৰ দূৰ্দান্ত প্ৰদৰ্শনৰ বাবে লিভাৰপুলে 30 বছৰৰ অন্তত প্ৰীমিয়াৰ লীগ দখল কৰিবলৈ সক্ষম হৈছে ৷
মানচেষ্টাৰ চিটীৰ কেভিন ডি ব্ৰুইন, মানচেষ্টাৰ ইউনাইটেডৰ মাৰ্কাচ ৰাছফৰ্ড আৰু লিভাৰপুলৰ ভাৰ্জিল ভান ডিজিক আৰু ছেডিঅ' মানেও ইয়াৰ বাবে মনোনয়ন লাভ কৰিছিল যদিও হেণ্ডাৰছনে এই সন্মান লাভ কৰিবলৈ সক্ষম হয় ৷
এই সম্পৰ্কত হেণ্ডাৰছনে কয়, "মোক ভোট দিয়া প্ৰতিজন লোক আৰু ফুটবল ৰাইটাৰ্ছ এচ'ছিয়েচনক মই ধন্যবাদ জনাব বিচাৰো ৷ লিভাৰপুলৰ মোৰ বহুকেইজন সহকৰ্মীয়ে এই সন্মান দখল কৰিবলৈ সক্ষম হৈছিল আৰু তেওঁলোকৰ সৈতে খেলাৰ মোৰ সৌভাগ্য হৈছিল যেনে, জেৰাৰ্ড, লুইছ ছোৱাৰেজ আৰু মহম্মদ ছালাহ ৷"