স্পৰ্টছ ডেস্ক, 3 ডিচেম্বৰ : কেৰালাৰ উত্তৰ মালাবাৰ এলেকাৰ ব্য়ৱসায়িক ক্ষেত্ৰ পাঝাংগোড় গাঁৱত এগৰাকী কিশোৰীয়ে নিজৰ ফুটবলৰ যাদুৰে বিশ্ব ৰেকৰ্ড গঢ়িবলৈ সক্ষম হৈছে ৷
কেৰালাৰ কুন্নুৰ জিলাৰ পাঝাংগোড় গাঁৱৰ 13 বছৰীয়া কিশোৰী বি এল অখিলাই ব্ৰাজিলৰ এগৰাকী ফুটবল যাদুকৰৰ ৰেকৰ্ড ভংগ কৰি 1 মিনিটত মাটি স্পৰ্শ নকৰাকৈ 171 বাৰ বল গোৰ মাৰি বিশ্ব ৰেকৰ্ড গঢ়িবলৈ সক্ষম হয় ৷
কুন্নুৰৰ স্পৰ্টছ ডিভিজন স্কুল সপ্তম শ্ৰেণীৰ ছাত্ৰী বি এল অখিলা ৷ ব্ৰাজিলৰ ফুটবল যাদুকৰ জোচুৱা ডুৰেট্টিক চেৰ পেলাই এই ৰেকৰ্ড গঢ়ে অখিলাই ৷ মাছমৰীয়া বাইজুৰ সৰু কন্যা অখিলাই ৰাজ্যখনৰ ক্ৰীড়া প্ৰশিক্ষণ কাৰ্যসূচী ‘কিক অফ’ৰ জৰিয়তে ফুটবলৰ প্ৰশিক্ষণ আৰম্ভ কৰিছিল ।
অখিলাৰ এই সফলতাত পিতৃ বাইজুৱে কয় যে, অখিলা সৰুৰ পৰাই ফুটবলৰ প্ৰতি আগ্ৰহী আছিল ৷ জি ভি ৰাজা স্পৰ্টছ স্কুলত নামভৰ্তি কৰা অখিলাই পুনৰ স্কুল খোলাক লৈ অপেক্ষাৰত ৷ টাইকোৱাণ্ডো খেলুৱৈ অনীশা হৈছে অখিলাৰ ভনী ৷
লগতে পঢ়ক :স্থানীয় পাৰ্কত অনুশীলন অব্যাহত বক্সাৰ সৰবজিৎ সিঙৰ