স্পৰ্টছ ডেস্ক, 13 জুনঃক'প্পা ইটালীয়ান কাপৰ ফাইনেলত প্ৰৱেশ কৰিবলৈ সক্ষম হ'ল ক্ৰিষ্টিয়ানো ৰ'নাল্ডো তাৰকাধীন জুভেণ্টাছ ফুটবল দল । তুৰীণৰ এলিয়াঞ্জ ষ্টেডিয়ামত অনুষ্ঠিত হোৱা দ্বিতীয়খন ছেমিফাইনেলত এছী মিলানৰ সৈতে গ'ল শূণ্য ড্ৰ' খেলাৰ পাচতেই এই কৃতিত্ব লাভ কৰে দলটোৱে । 13 ফেব্ৰুৱাৰীত অনুষ্ঠিত হোৱা প্ৰথমখন ছেমিফাইনেল মেচখনো 1-1 গ'লত ড্ৰ'ত সমাপ্ত হৈছিল । ফলত Away goalৰ বিনিময়তে ফাইনেলত প্ৰৱেশ কৰিবলৈ সক্ষম হয় জুভেণ্টাছ দলটোৱে ।
ক'প্পা ইটালীয়া কাপৰ ফাইনেলত জুভেণ্টাছ
এক সংবাদ সংস্থাৰ মতে, শুকুৰবাবে দৰ্শক বিহীন ষ্টেডিয়ামত অনুষ্ঠিত কৰা হৈছিল এই ছেমীফাইনেল মেচখন । অৱশ্যে এই মেচখন ইয়াৰ পূৰ্বে চাৰি মাৰ্চত অনুষ্ঠিত হোৱাৰ কথা আছিল । কিন্তু COVID-১৯ ৰ বাবেই স্থগিত কৰা হৈছিল । COVID-১৯ ৰ পাচতেই ইটালীত এইটো আছিল প্ৰথমখন মেচ ।