স্পৰ্টছ ডেস্ক, 19 নৱেম্বৰ: ইণ্ডিয়ান চুপাৰ লীগৰ অষ্টম সংস্কৰণ শুকুৰবাৰৰ পৰা আৰম্ভ হ'ব । ছিজনৰ আৰম্ভণিৰ খেলখনত এ টি কে মোহন বাগান(ATK Mohun Bagan) কেৰালা ব্লাষ্টাৰ্ছ(Kerala Blasters FC) এফ চিৰ মুখামুখি হ'ব । ফাতোৰ্ডাৰ জৱাহৰলাল নেহৰু ষ্টেডিয়ামত নিশা 7.30 বজাৰ পৰা অনুষ্ঠিত হ'ব খেলখন ।
আই এছ এলৰ 2021-22 সংস্কৰণ গোৱাত অনুষ্ঠিত হ'ব ৷ প্ৰতিযোগিতাখনত এ টি কে মোহন বাগান, এছ চি ইষ্ট বেংগল, মুম্বাই চি টি, হায়দৰাবাদ এফ চি, কেৰালা ব্লাষ্টাৰ্ছ এফ চি, চেন্নাই এফ চি, জামছেদপুৰ এফ চি, উৰিষ্যা এফ চি, এফ চি গোৱা, নৰ্থ ইষ্ট ইউনাইটেড এফ চি আৰু বেংগালুৰু এফ চিকে ধৰি মুঠ ১১ টা দলে প্ৰতিযোগিতাখনত অংশগ্ৰহণ কৰিছে ।