ফিফা বিশ্বকাপ 2022ঃ দ্বিতীয়খন কোৱালিফায়িং মেচৰ বাবে দ’হাত উপস্থিত ভাৰতীয় দল

কাটাৰৰ বিৰুদ্ধে 10 ছেপ্তেম্বৰত অনুষ্ঠিত হ’বলগীয়া ফিফা বিশ্বকাপৰ দ্বিতীয়খন কোৱালিফায়িং মেচৰ বাবে দ’হাত উপস্থিত হ’ল ভাৰতীয় ফুটবল দল ৷

স্পৰ্টছ ডেস্ক, 7 ছেপ্তেম্বৰঃ2022 ফিফা বিশ্বকাপৰ কোৱালিফায়াৰৰ দ্বিতীয়খন মেচত অৱতীৰ্ণ হ’বলৈ শনিবাৰে দ’হাত উপস্থিত হয় ভাৰতীয় ফুটবল দল ৷ ফিফাৰ 103 ৰেকিংঙত থকা ভাৰতীয় দলটোৱে মঙলবাৰে মুখামুখি হ’ব 62 ৰেকিংঙত থকা 2022 ফিফা বিশ্বকাপৰ আয়োজক দেশ কাটাৰৰ ৷

উল্লেখ্য যে, 5 ছেপ্তেম্বৰত গুৱাহাটীত অনুষ্ঠিত হোৱা প্ৰথমখন কোৱালিফায়িং মেচত 2-1 গ’লত ওমানৰ হাতত পৰাস্ত হৈছিল ভাৰত ৷