গুৱাহাটীত অনুষ্ঠিত হ’ব মহিলা ফিফা 17 অনুৰ্ধ্ব বিশ্বকাপৰ উদ্বোধনী মেচ

পোন প্ৰথমবাৰৰ বাবে ভাৰতত অনুষ্ঠিত হ’বলগীয়া মহিলা ফিফা 17 অনুৰ্ধ্ব বিশ্বকাপৰ ঘোষণা কৰা হ’ল কাৰ্যসূচী ৷ 2 নৱেম্বৰৰ পৰা অনুষ্ঠিত হ’বলগীয়া এই প্ৰতিযোগিতাৰ চূড়ান্ত মেচ অনুষ্ঠিত হ’ব 21 নৱেম্বৰত ৷

স্পৰ্টছ ডেস্ক, 19 ফেব্ৰুৱাৰীঃ মঙলবাৰে নতুন দিল্লীত ঘোষণা কৰা হ’ল ভাৰতত অনুষ্ঠিত হ’বলগীয়া বহু প্ৰত্যাশিত মহিলা ফিফা17 অনুৰ্ধ্ব বিশ্বকাপৰ কাৰ্যক্ৰমণিকা ৷ 2 নৱেম্বৰৰপৰা অনুষ্ঠিত হ’বলগীয়া এই প্ৰতিযোগিতাৰ চূড়ান্ত মেচ অনুষ্ঠিত হ’ব 21 নৱেম্বৰত ৷ উদ্বোধনী মেচ গুৱাহাটীত অনুষ্ঠিত হোৱাৰ বিপৰীতে ফাইনেল মেচ অনুষ্ঠিত হ’ব নৱী মুম্বাইত ৷ এই অনুষ্ঠানতেই আনুষ্ঠানিক ভাৱে Kick Off The Dream শ্ল’গানৰো মুকলি কৰা হয় ৷

মঙলবাৰে নতুন দিল্লীত ঘোষণা মহিলা ফিফা 17 অনুৰ্ধ্ব বিশ্বকাপৰ কাৰ্যক্ৰমণিকা

ভাৰতত পোন প্ৰথমবাৰৰ বাবে অনুষ্ঠিত হ’বলগীয়া ফিফা 17 অনুৰ্ধ্ব বিশ্বকাপৰ মেচ সমূহ আয়োজন কৰা হ’ব দেশৰ মুঠ 5 খন চহৰত ৷ চহৰ কেইখন হৈছে- গুৱাহাটী, আহমেদাবাদ, ভূৱনেশ্বৰ, কলকাতাআৰুনৱী মুম্বাই ৷ বিশ্ব ফুটবলজগতৰ 16 টা দলে অংশগ্ৰহণ কৰা এই প্ৰতিযোগিতাত অনুষ্ঠিত হ’ব মুঠ 32 খন মেচ ৷

মহিলা ফিফা 17 অনুৰ্ধ্ব বিশ্বকাপৰ সম্পূৰ্ণ কাৰ্যসূচী

এই বিষয়ে ক্ৰীড়ামন্ত্ৰী কিৰেণ ৰিজিজুৱে টুইট কৰি কয়, ‘‘ভাৰত পুনৰ আন এখন ফিফা প্ৰতিযোগিতা আয়োজনৰ দিশে অগ্ৰসৰ হৈছে ৷ মই এই প্ৰতিযোগিতাৰ সফলতাৰ বাবে দেশবাসীৰ সহায়-সহযোগিতা কামনা কৰিছো ৷ আমাৰ ভাৰতীয় মহিলা 17 অনুৰ্ধ্ব ফুটবল দলটো প্ৰথমবাৰৰ বাবে ফিফা প্ৰতিযোগিতাত অংশগ্ৰহণ কৰিব ৷’’

আনফালে অসমৰ মুখ্যমন্ত্ৰী সৰ্বানন্দ সোণোৱালেও টুইট যোগে এই বৰ্ষত গুৱাহাটীত 6 খনকৈ ফিফা মহিলা 17 অনুৰ্ধ্ব মেচ অনুষ্ঠিত হ’ব বুলি অৱগত কৰে ৷