অসম

assam

ETV Bharat / sports

ষষ্ঠবাৰৰ বাবে চেম্পিনয়ছ লীগ চেম্পিয়ন বেয়ার্ন মিউনিখ

দেওবাৰে চেম্পিয়নছ লীগৰ চূড়ান্ত মেচত জয় লাভ বেয়ার্ন মিউনিখৰ ৷ ষষ্ঠবাৰৰ বাবে চেম্পিনয়ছ লীগৰ খিতাপ দখল দলটোৰ ৷

Flawless Bayern beat PSG to win 'record' sixth Champions League title
Flawless Bayern beat PSG to win 'record' sixth Champions League title

By

Published : Aug 24, 2020, 3:15 PM IST

স্পৰ্টছ ডেস্ক, 24 আগষ্ট: প্ৰথমবাৰৰ বাবে চেম্পিয়নছ লীগৰ ফাইনেলত অৱতীৰ্ণ হোৱা পেৰিছ ছেণ্ট জাৰ্মেনক পৰাস্ত কৰি ষষ্ঠবাৰৰ বাবে চেম্পিনয়ছ লীগৰ খিতাপ দখল বেয়ার্ন মিউনিখৰ ৷ চূড়ান্ত মেচখনত একমাত্ৰ গ’লৰ বিনিময়ত জয়ী হয় বেয়ার্ন মিউনিখ দলটো ৷

চেম্পিয়নছ লীগৰ ফলাফল

বেয়াৰ্ন মিউনিখৰ হৈ 59 মিনিটত একমাত্ৰ গ’লটো কৰিবলৈ সক্ষম হয় কিংগ্ছলী ক’মানে ৷ হেডাৰৰ যোগেদি গ’ল কৰি দলটোৰ জয়ত গুৰুত্বপূৰ্ণ ভূমিকা পালন কৰে ক’মানে ৷ ইয়াৰ পাচত দুয়োটা দলৰ হৈ নিৰ্ধাৰিত সময়লৈ আন এটাও গ’ল কৰিবলৈ সক্ষম নহয় আৰু মেচখন 1-0 গ’লত নিজৰ নাম কৰে বেয়াৰ্ন মিউনিখে ৷

বেয়ার্ন মিউনিখৰ প্ৰশিক্ষক

উল্লেখ্য যে, মেচখনত পেৰিছ ছেণ্ট জাৰ্মেনৰ হৈ নেইমাৰে দুবাৰকৈ আৰু কিলিয়ন এম্বাপ্পেয়ে এবাৰকৈ গ’ল কৰাৰ সুন্দৰ সুযোগ লাভ কৰিও গ’ল কৰাত ব্যৰ্থ হয় ৷

বেয়ার্ন মিউনিখ দলটো ইয়াৰ পূৰ্বে 2013 চনত চেম্পিয়ন হোৱাৰ বিপৰীতে 1974, 1975, 1976 আৰু 2001 চনতো খিতাপ দখল কৰিবলৈ সক্ষম হৈছিল ৷ আনহাতে পেৰিছ ছেণ্ট জাৰ্মেন পোন প্ৰথমবাৰৰ বাবে ফাইনেলত স্থান লাভ কৰিছিল ৷

কৰ’ণা ভাইৰাছৰ ফলত UEFA চেম্পিনয়ছ লীগ আৰম্ভ হোৱাৰ 425 দিনৰ অন্তত চূড়ান্ত মেচখন আয়োজন কৰা হৈছিল ৷

লগতে চাওক-বিৰাট নেতৃত্বাধীন ভাৰতীয় টেষ্ট দলটো হৈছে সৰ্বশ্ৰেষ্ঠ দল : সুনীল গাভাস্কাৰ

ABOUT THE AUTHOR

...view details