স্পৰ্টছ ডেস্ক, 3 জুনঃবাৰ্চিলোনাৰ অনুৰাগীৰ বাবে আহিছে দুঃখবৰ । স্পেনিছ লীগৰ লা-লীগাৰ বাৰ্চিলোনা দলটোৰ পাঁচজন খেলুৱৈসহ দুজন প্ৰশিক্ষক ষ্টাফৰ কৰ্মীৰ দেহত ধৰা পৰিছে কৰ'ণাৰ অৱস্থিতি ।
এক সংবাদ এজেঞ্চীৰ খবৰৰ মতে,বাৰ্চিলোনা ক্লাৱটোৰ নিকটৱৰ্তী এক ৰেডিঅ' ষ্টেচনে মঙলবাৰে সদৰী কৰে । যোৱা মে' মাহত লা-লীগাই খেলুৱৈৰ সকলৰ COVID-১৯ পৰীক্ষণ কৰা বুলিও জানিবলৈ দিয়ে । এই পৰীক্ষণতেই খেলুৱৈৰ দেহত ধৰা পৰিছে COVID-১৯ৰ বীজাণু । অৱশ্যে ৰেডিঅ' ষ্টেচনে এই খবৰত কোনো খেলুৱৈ তথা ষ্টাফৰ নাম উল্লেখ কৰা হোৱা নাই ।
উল্লেখ্য যে,ইয়াৰ এদিন পূৰ্বেই লীগৰ ক্লাৱ সমূহক সম্পূৰ্ণ দলৰ সৈতে অনুশীলনৰ অনুমতি দিয়া হৈছিল । শেহতীয়াকৈ লা-লীগাৰ প্ৰাৰম্ভিক দুটা পৰ্যায়ৰ তাৰিখ ঘোষণা কৰা হৈছে । অহা 11 জুনৰ পৰা পুনৰ আৰম্ভ হ'ব লীগৰ পৰৱৰ্তী মেচ সমূহ ।
বাৰ্চিলোনা দলটোৱে অহা 13 জুনত ঘৰৰ বাহিৰত খিতাপ ৰক্ষা কৰাৰ স্বাৰ্থত ৰিয়ল মাল'ৰ্কাৰ বিৰুদ্ধে প্ৰথমখন মেচত অৱতীৰ্ণ হ'ব । COVID-১৯ ৰ ভয়াৱহতাৰ প্ৰতি লক্ষ্য ৰাখিয়ে মাৰ্চ মাহত আধাতে স্থগিত কৰা হৈছিল লা-লীগা প্ৰতিযোগিতাখন ।
লগতে চাওকঃ সংবাদমেল সম্বোধন কৃষক মুক্তি সংগ্ৰাম সমিতিৰ