স্পৰ্টছ ডেস্ক, ২০ নৱেম্বৰ :বিৰাট কোহলীক আইচিচিৰ এদিনীয়া বিশ্বকাপ ২০২৩ ৰ শ্ৰেষ্ঠ খেলুৱৈ হিচাপে নিৰ্বাচিত কৰা হৈছে । ২০২৩ চনৰ বিশ্বকাপৰ বাবে তেওঁ লাভ কৰিছে প্লেয়াৰ অৱ দ্য টুৰ্ণামেণ্টৰ বঁটা । দেওবাৰে আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত চূড়ান্ত খেলখনত অষ্ট্ৰেলিয়াৰ হাতত ৬ উইকেটত পৰাস্ত হয় ভাৰতীয় দলটো । কিন্তু ইয়াৰ পিচতো বিৰাটে টুৰ্ণামেণ্টৰ শ্ৰেষ্ঠ খেলুৱৈৰ খিতাপ দখল কৰে ।
প্লেয়াৰ অৱ দা মেছৰ খিতাপ বিৰাটলৈ
অষ্ট্ৰেলিয়াৰ বিৰুদ্ধে অন্তিমখন খেলত বিৰাট কোহলীয়ে ৬৩ টা বলত ৪ বাৰ ৪ কোৱাই ৫৪ ৰানৰ ইনিংছ খেলিছিল । এই সমগ্র প্রতিযোগিতাত বিৰাট কোহলীয়ে ১১ খন খেল খেলিছিল আৰু এই সময়ছোৱাত তেওঁ ৩ টা শতক আৰু ৬ টা অর্ধশতকৰ সহায়ত ৭৬৫ ৰান কৰিছিল ৷ এই সময়ছোৱাত বিৰাট কোহলীৰ গড় ৯৫.৬২ আৰু ষ্ট্ৰাইক ৰেট আছিল ৯০.৩১। এই উজ্জ্বল প্ৰদৰ্শনৰ বাবে বিৰাটে প্লেয়াৰ অৱ দ্য টুৰ্ণামেণ্টৰ বঁটা লাভ কৰে ।
বিৰাট কোহলীৰ ৩ টা শতক
- বাংলাদেশৰ বিৰুদ্ধে লীগৰ খেলখনত বিৰাটে প্ৰথম শতক অৰ্জন কৰে । ৯৭ টা বলৰ সন্মুখীন হোৱা এই মেচখনত তেওঁ ৬ টা চাৰি আৰু ৪ টা ছয়ৰে ১০৩ ৰান সংগ্ৰহ কৰে ।
- দক্ষিণ আফ্ৰিকাৰ বিৰুদ্ধে খেলখনত বিৰাটৰ দ্বিতীয় শতক । এই মেচখনত তেওঁ ১২১ টা বলত ১০ টা ৪ সৈতে ১০১ টা ৰানৰ বিস্ফোৰক ইনিংছ খেলিছিল।
- নিউজিলেণ্ডৰ বিৰুদ্ধে ছেমি ফাইনেল খেলখনত তৃতীয় শতক অৰ্জন কৰে বিৰাট কোহলীয়ে । এই মেচখনত বিৰাটে ৯ টা চাৰি আৰু ৩টা ছয়ৰে ১১৩ টা বলত ১১৭ ৰানৰ গুৰুত্বপূৰ্ণ ইনিংছ খেলিছিল ।