স্পৰ্টছ ডেস্ক,২১ ফেব্ৰুৱাৰী :দক্ষিণ আফ্ৰিকাত চলি আছে আইচিচি মহিলা টি-২০ বিশ্বকাপ ২০২৩ (Womens T20 World Cup 2023)। বিশ্বকাপত এতিয়ালৈ ভাৰতীয় মহিলা দলটোৱে উন্নত প্ৰদৰ্শন দেখুৱাবলৈ সক্ষম হৈছে । ইয়াৰ মাজতে ভাৰতীয় মহিলা দলটোৰ অন্যতম বেটছমেন স্মৃতি মান্ধানাই অভিলেখ সৃষ্টি কৰিছে (Mandhana Run Record in T20 WC)। চলিত প্ৰতিযোগিতাটোত সৰ্বাধিক ৰাণ সংগ্ৰহ কৰা খেলুৱৈ হিচাপে মান্ধানাই অভিলেখ সৃষ্টি কৰিছে । অষ্ট্ৰেলিয়াৰ এলিছা হিলিকো (Alyssa Healy) অতিক্ৰম কৰিছে মান্ধানাই ।
উল্লেখ্য যে প্ৰতিযোগিতাৰ ১৮ সংখ্যক খেলখন ভাৰত আৰু আয়াৰলেণ্ডৰ মাজত খেলা হৈছিল (India beat Ireland in Womens T20 World Cup)। ২০ ফেব্ৰুৱাৰী অৰ্থাৎ সোমবাৰে অনুষ্ঠিত এই খেলখনত ভাৰতে আয়াৰলেণ্ডক ৫ ৰাণত পৰাস্ত কৰে । খেলখনত স্মৃতি মান্ধানাই আশ্চৰ্যজনক প্ৰদৰ্শন দেখুৱাইছে । মান্ধানাই খেলখনত সৰ্বাধিক ৮৭ ৰাণ সংগ্ৰহ কৰে । যাৰ ফলত টি-২০ বিশ্বকাপ ২০২৩ত সৰ্বাধিক ৰাণ সংগ্ৰহ কৰা খেলুৱৈ হিচাপে তেওঁ পৰিগণিত হৈছে ।
এই খেলখনত জয়ী হোৱাৰ লগে লগে ভাৰতীয় মহিলা দলটোৱে ছেমি ফাইনেলত প্ৰৱেশ কৰিছে (India Womens enter semi final in T20 World Cup)। ভাৰতীয় মহিলা দলৰ স্মৃতি মান্ধানাই তেওঁৰ বেটিঙেৰে সুন্দৰ প্ৰদৰ্শন দেখুওৱাৰ লগতে দলটোক শক্তিশালী স্থিতিলৈ লৈ গৈছে ।