স্পৰ্টছ ডেস্ক,১২ জুন :অষ্ট্ৰেলিয়াৰ বিৰুদ্ধে টেষ্ট বিশ্বকাপৰ ফাইনেলত ভাৰতৰ শোচনীয় পৰাজয় । ইয়াৰ পাচতে অষ্ট্ৰেলিয়ান বলাৰ মিচেল ষ্টাৰ্কৰ ফ্ৰেঞ্চাইজি ক্ৰিকেট বা আই পি এলক লৈ গুৰুত্বপূৰ্ণ মন্তব্য । খেলুৱৈগৰাকীৰ মতে আইপিএল খেলাত কৈ অষ্ট্ৰেলিয়া দলৰ হৈ খেলাতো তেওঁৰ বাবে বেছি প্ৰয়োজনীয় । তাৰকা খেলুৱৈগৰাকীৰ এই মন্তব্যৰ পাছতে ক্ৰিকেট জগতত ব্যাপক প্ৰতিক্ৰিয়াৰ সৃষ্টি হৈছে ।
উল্লেখ্য যে লাভজনক বা ধন উপাৰ্জন বেছি হ'লেও ফ্ৰেঞ্চাইজি ক্ৰিকেটৰ পৰা সচৰাচৰ আঁতৰি থাকে অষ্ট্ৰেলিয়াৰ ফাষ্ট বলাৰ মিচেল ষ্টাৰ্ক । অষ্ট্ৰেলিয়া দলৰ বহু খেলুৱৈয়ে অধিক ধন উপাৰ্জনৰ বাবে ফ্ৰেঞ্চাইজি ক্ৰিকেট বা আই পি এল বাছনি কৰি আহিছে । কিন্তু এই ক্ষেত্ৰত ষ্টাৰ্ক ব্যতিক্ৰম ।
টেষ্ট চেম্পিয়নশ্বিপত অষ্ট্ৰেলিয়া বৃহৎ জয়ৰ পাছতে ষ্টাৰ্কে নিজৰ মনৰ ভাৱ প্ৰকাশ কৰি কয় যে তেওঁ আই পি এল উপভোগ কৰিছিল । একেদৰে তেওঁ ১০ বছৰ পূৰ্বে য়ৰ্কশায়াৰতো সময় অতিবাহিত কৰিছিল । কিন্তু অষ্ট্ৰেলিয়া তেওঁৰ বাবে সদায় শীৰ্ষত থাকিব । তেওঁৰ কোনো অনুশোচনা নাই । টকা এদিন হাতলৈ আহিব আৰু যাব কিন্তু তেওঁ পোৱা সুযোগবোৰৰ বাবে চিৰ কৃতজ্ঞ ।
তেওঁৰ মতে অষ্ট্ৰেলিয়াৰ হৈ টেষ্ট ক্ৰিকেট খেলাটো তেওঁৰ বাবে বেছি গুৰুত্বপূৰ্ণ । ভৱিষ্যতে বহুতো যুৱক-যুৱতীয়ে ইয়াক অনুসৰণ কৰিব বুলিও তেওঁ আশা প্ৰকাশ কৰে । ষ্টাৰ্কৰ মতে এশ বছৰতকৈও অধিক সময়ৰ টেষ্ট ক্ৰিকেটৰ ইতিহাস আৰু এই সময়ছোৱাত অষ্ট্ৰেলিয়াৰ হৈ খেলা ৫০০ তকৈও কম পুৰুষ আছে । তেওঁৰ দৰে একাংশই এতিয়াও আশা কৰে যে এনে এটা প্ৰজন্ম আছে যিয়ে টেষ্ট ক্ৰিকেটত তেওঁলোকৰ দেশক প্ৰতিনিধিত্ব কৰিব বিচাৰে । ষ্টাৰ্কৰ মতে সহজ ধন ফ্ৰেঞ্চাইজি ক্ৰিকেটত আছে কিন্তু ই কুখ্যাতিৰ সহজ পথ ।
২০১৫ চনত আই পি এলত ৰয়েল চেলেঞ্জাৰ্ছ বেংগালুৰুৰ হৈ শেষবাৰৰ বাবে ফ্ৰেঞ্চাইজি ক্ৰিকেট খেলা ৩৩ বছৰীয়া ষ্টাৰ্কে স্পষ্ট কৰি দিয়ে যে ভৱিষ্যতে টেষ্ট ক্ৰিকেট তেওঁৰ অগ্ৰাধিকাৰ হৈ থাকিব । অৱশ্যে পুনৰ আই পি এলত খেলাৰ ইচ্ছাও প্ৰকাশ কৰিলে খেলুৱৈগৰাকীয়ে । কিন্তু দীৰ্ঘদিন ধৰি যি ফৰ্মেটে নহওঁক তেওঁৰ লক্ষ্য হৈছে অষ্ট্ৰেলিয়াৰ বাবে খেলা ।
ষ্টাৰ্কৰ মতে ফ্ৰেঞ্চাইজি ক্ৰিকেট ভাল, কিন্তু ই আপোনাক ১২ মাহত ক্ৰয় বা বিক্ৰী বা ব্যৱসায় কৰিব পাৰে । আনহাতে দেশৰ হৈ খেলা এটা সুযোগ যিটো তেওঁ ১০ বছৰতকৈও অধিক সময় পোৱাৰ বাবে নিজকে সৌভাগ্যৱান বুলি ভাবিছে ।
লগতে পঢ়ক :Australia beats India in WTC final: ICC বিশ্ব টেষ্ট চেম্পিয়নশ্বিপৰ খিতাপ দখল অষ্ট্ৰেলিয়াৰ
