স্পৰ্টছ ডেস্ক,২২ মে' :আইপিএলৰ প্লে-অফত স্থান পালে ৰয়েল চেলেঞ্জাৰ্ছ বাংগালোৰ (RCB) দলে (RCB went to playoffs of IPL 2022)। শনিবাৰে মুম্বাই ইণ্ডিয়ানছ আৰু দিল্লী কেপিটেলছৰ মাজত হোৱা খেলখনৰ ফলাফলৰ পাছতে RCB দলৰ ভাগ্য উদয় হ'ল । খেলখনত মুম্বাই ইণ্ডিয়ানছে জয়ী হোৱাৰ লগে লগে প্লে-অফলৈ যোৱাৰ আশাও ভংগ হ'ল দিল্লীৰ (MI beat DC)। আইপিএলৰ অন্তিত খেলখনত মুম্বাই দলটোৰ সন্মুখত আছিল ১৬০ ৰাণৰ লক্ষ্য ।
কিন্তু ১৯.১ অভাৰতে মুম্বাই দলটোৱে এই লক্ষ্যত উপনীত হয় আৰু ২০২০ চনৰ ফাইনেলিষ্ট দিল্লীৰ আশা ভংগ হয় । দিল্লীয়ে ১৪ পইণ্টৰ সৈতে পঞ্চম স্থানতে সন্তুষ্ট থাকিবলগীয়া হ'ল । আনহাতে RCB দলটোৱে ১৬ পইণ্টেৰে গুজৰাট টাইটানছ, ৰাজস্থান ৰয়েলছ আৰু লক্ষ্ণৌ চুপাৰ জায়াণ্টছৰ সৈতে প্লে-অফত স্থান লাভ কৰে ।
উল্লেখ্য যে এই খেলখনত মুম্বাই দলটোৱে কেৱল জয়ী হ'বলৈ চেষ্টা কৰা নাছিল । RCB দল আৰু সমৰ্থকসকলেও মুম্বাই জয়ী হোৱাটো বিচাৰিছিল । অৱশ্যে মুম্বাই ইণ্ডিয়ানছে খেলখনত জয়ী হ'লেও তালিকাৰ একেবাৰে শেষতে সন্তুষ্ট থাকিবলগীয়া হয় ।