স্পৰ্টছ ডেস্ক,১ এপ্ৰিল:আগন্তুক আইপিএলৰ পৰা বাহিৰ হ'ল চেন্নাই চুপাৰ কিংছৰ পেচ বলাৰ জোচ হেজেলউড । আইপিএলত অংশগ্ৰহণ কৰিবলগীয়া অষ্ট্ৰেলিয়াৰ আন খেলুৱৈৰ সৈতে ভাৰত অভিমুখে ৰাওনা হোৱাৰ কথা আছিল হেজলউড কিন্তু পৰিয়ালৰ সৈতে কিছু সময় কটোৱাৰ সিদ্ধান্ত লৈ খেলুৱৈগৰাকীয়ে আইপিএলত অংশগ্ৰহণৰ বাবে অস্বীকাৰ কৰে ।
খেলুৱৈ গৰাকীয়ে অৱগত কৰা মতে, বিগত প্ৰায় ১০ মাহ ধৰি বিভিন্ন স্থানত মহামাৰীৰ বাবে কোৱাৰেণ্টাইনত থাকিবলগীয়া হৈছে সেয়ে ক্ৰিকেটৰ পৰা দুমাহৰ বাবে অব্যাহতি লৈ পৰিয়ালৰ সৈতে অষ্ট্ৰেলিয়াতে থকাৰ পৰিকল্পনা কৰিছে খেলুৱৈ গৰাকীয়ে । ইফালে সন্মুখত বিশ্বকাপ টি-২০ আৰু এছেজ সেয়ে মানসিকভাৱে নিজকে প্ৰস্তুত কৰাৰ বাবে এই সিদ্ধান্ত লোৱা বুলি উল্লেখ কৰে খেলুৱৈগৰাকীয়ে । ইফালে হেজলউডে চেন্নাইৰ হৈ ২০২০ চনত আইপিএলত মাত্ৰ তিনিখন খেল খেলিছে ।