নিউজ ডেস্ক, 29 এপ্ৰিল: পুনৰ এবাৰ আই পি এলত পৰাজয়ৰ সন্মুখীন হ’ল দিল্লী কেপিটেলছ ৷ শনিবাৰে ছান ৰাইজাৰ্ছ হায়দৰাবাদৰ বিৰুদ্ধে খেলা খেলখনত 9 ৰাণত পৰাস্ত হয় দিল্লী ৷ হায়দৰাবাদে বান্ধি দিয়া 198 ৰাণৰ লক্ষ্য আগত লৈ 20 অভাৰত 188 ৰাণ সংগ্ৰহ কৰে দিল্লীয়ে (Delhi Capitals vs Sunrisers Hyderabad) ৷
প্ৰথমে বেটিং কৰি হায়দৰাবাদে অপেনাৰ অভিষেক শৰ্মাৰ 67 ৰাণ আৰু ক্লাছেনৰ 53 ৰাণৰ সহায়ত দিল্লীৰ বিৰুদ্ধে 6 টা উইকেট হেৰুৱাই 197 ৰাণ সংগ্ৰহ কৰে আব্দুল আহমেদে 28 ৰাণৰ বৰঙণি যোগায় ৷ দিল্লীৰ মিটচেল ষ্ট্ৰেছে 4 টাকৈ উইকেট দখল কৰে হায়দৰাবাদৰ (Delhi Capitals vs Sunrisers Hyderabad live) ৷
198 ৰাণৰ লক্ষ্য আগত লৈ বেটিং আৰম্ভ কৰা দিল্লীয়ে প্ৰথম অভাৰৰ দ্বিতীয়টো বলতে অধিনায়ক ৱাৰ্ণাৰৰ উইকেট হেৰুৱাই ৷ ফিলিপ আৰু মাৰ্শ্বে ক্ৰমে 59 আৰু 63 ৰাণৰ অনবদ্য ইনিংছ খেলে যদিও দুয়োগৰাকী খেলুৱৈ আউট হোৱাৰ পাচতে দিল্লীৰ ৰাণৰ সংখ্যা কমি আহে ৷ ফলত 20 অভাৰত 6 টা উইকেট হেৰুৱাই 188 ৰাণ কৰিবলৈ সক্ষম হয় দিল্লীয়ে (DC vs SRH match updates) ৷
আজিৰ বিজয়েৰে হায়দৰাবাদ নৱমৰ পৰা অষ্টম স্থানলৈ উন্নীত হয় যদিও এতিয়াও দশম স্থানতে আছে দিল্লী ৷ তালিকাৰ প্ৰথম স্থানত আছে গুজৰাট টাইটানছ (DC vs SRH IPL match) ৷