নিউজ ডেস্ক, 22 মে': পুনৰ এবাৰ আই পি এল জয়ৰ আশা আধাতে সামৰিব লগীয়া হ'ল ৰয়েল চেলেঞ্জাৰ্ছ বেংগালুৰুৱে । গুজৰাট টাইটানছৰ হাতত আই পি এল 2023 ৰ অন্তিমখন লীগ মেচত 6 উইকেটত পৰাস্ত হয় ৰয়েল চেলেঞ্জাৰ্ছ বেংগালুৰু । এই খেলখন ভাগ্য নিৰ্ণায়ক আছিল মুম্বাই ইণ্ডিয়ানছ আৰু ৰয়েলছ চেলেঞ্জাৰ্ছৰ বেংগালুৰু এই দুয়োটা দলৰ বাবে । দেওবাৰে বিয়লি অনুষ্ঠিত খেলখনত মুম্বাই ইণ্ডিয়ানছে ছান ৰাইজাৰ্ছ হায়দৰাবাদক পৰাস্ত কৰে যদিও, প্লে' অফত প্ৰবেশৰ বাবে বাট চাব লগীয়া হৈছিল বেংগালুৰু আৰু গুজৰাটৰ মাজত অনুষ্ঠিত খেলখনৰ বাবে (MI qualified for playoff) ।
এই খেলখনত জয়ী হ'লে ৰয়েল ছেলেঞ্জাৰ্ছ বেংগালুৰুৱে পোনে পোনে প্লে' অফত প্ৰৱেশৰ সুবিধা লাভ কৰিলে হেতেন । কিন্তু গুজৰাটৰ হাতত পৰাস্ত হোৱাত পুনৰ এবাৰ আই পি এলৰ ইতিহাসত বিমুখ হ'ব লগীয়া হয় আৰ চি বি আৰু প্লে' অফত প্ৰবেশ কৰে মুম্বাই ইণ্ডিয়ানছে (RCB eliminates from IPL 2023) ।
বেংগালুৰুৰ এম চিন্নাস্বামী ষ্টেডিয়ামত অনুষ্ঠিত হোৱা খেলখনত টচত জয়ী হৈ বলিঙৰ সিদ্ধান্ত গ্ৰহণ কৰে গুজৰাট টাইটানছৰ অধিনায়ক হাৰ্দিক পাণ্ডিয়াই । ৰয়েল চেলেঞ্জাৰ্ছ বেংগালুৰুৰ হৈ বেটিং কৰিবলৈ আহে বিৰাট কোহলী আৰু ফাফ ডু প্লেছিছ । দুয়োগৰাকী বেটছমেনে সুন্দৰ আৰম্ভণি কৰে (RCB vs GT IPL match updates) ।