স্পৰ্টছ ডেস্ক, ১৮ ডিচেম্বৰ:ইণ্ডিয়ান প্ৰিমিয়াৰ লীগ ২০২৪ৰ প্ৰস্তুতি আৰম্ভ হৈছে । মঙলবাৰে অৰ্থাৎ ১৯ ডিচেম্বৰত দুবাইত অনুষ্ঠিত হ’ব এই নিলাম । এই নিলামৰ বাবে ৩৩৩ গৰাকী খেলুৱৈয়ে নিজৰ নাম পঞ্জীয়ন কৰিছে । ইয়াৰে ২১৪জন ভাৰতীয় খেলুৱৈ হোৱাৰ বিপৰীতে ১১৯জন বিদেশী খেলুৱৈ । আইচিচিৰ ২ খন সহযোগী দেশৰ খেলুৱৈকো এই তালিকাত অন্তৰ্ভুক্ত কৰা হৈছে । এই খেলুৱৈসকলৰ ভিতৰত ১১৬জন কেপড খেলুৱৈ আৰু ২১৫ জন আনকেপড খেলুৱৈ । এইবাৰ সলনি কৰা হৈছে আই পি এলৰ নিলামৰ সময় ।
নিলামৰ সময় সলনি: এই নিলাম পূৰ্বে মঙলবাৰে দুপৰীয়া ২.৩০ বজাৰ পৰা আৰম্ভ হোৱাৰ কথা আছিল । এতিয়া এই নিলাম স্থানীয় সময় অনুসৰি পুৱা ১১.৩০ বজাত দুবাইৰ কোকা কোলা এৰিনা ষ্টেডিয়ামত আৰম্ভ হ’ব । ভাৰতীয় সময় অনুসৰি দিনৰ ১ বজাত এই নিলামসমূহ চাব পাৰিব । এই নিলামসমূহ স্প’ৰ্টছ ১৮ত টেলিকাষ্ট কৰা হ’ব । আনহাতে এই নিলামৰ লাইভ ষ্ট্ৰীমিং Jio Cinema app ত দেখা যাব । এই নিলামত ফ্ৰেঞ্চাইজিসমূহৰ বাবে খেলুৱৈৰ মুঠ ৭৭ টা স্থান খালী হৈ আছে । এনে পৰিস্থিতিত অংশ লোৱা ৩৩৩ জনৰ ভিতৰত মাত্ৰ ৭৭ গৰাকী খেলুৱৈয়েহে স্থান লাভ কৰিব ।