স্পৰ্টছ ডেস্ক, 20 ছেপ্তেম্বৰ :আইপিএলৰ ত্ৰয়োদশ সংস্কৰণৰ দ্বিতীয়খন মেচতদুৰ্বল আৰম্ভণিৰ পাচত নিৰ্ধাৰতি 20 অভাৰত 8 উইকেট হেৰুৱাই 157 ৰান সংগ্ৰহ দিল্লী কেপিটেলছৰ ৷ দিল্লী দলটোৰ হৈ সৰ্বাধিক 53 ৰান সংগ্ৰহ অষ্ট্ৰেলিয়ান ক্ৰিকেটাৰ মাৰ্কাছ ষ্ট’ইনিছৰ ৷ মেচখনত কিংছ ইলেভেন পাঞ্জাৱ দলটোৱে টছত জয় লাভ কৰি প্ৰথমে দিল্লী কেপিটেলছক বেটিঙৰ বাবে আমন্ত্ৰণ জনায় ৷
প্ৰথমে বেটিং কৰিবলৈ আহিয়ে বিপৰ্যয়ৰ সন্মুখীন হয় দিল্লী কেপিটেলছৰ দলটো ৷ শিখৰ ধাৱন 6 ৰানৰ দলীয় স্ক’ৰতেই ৰান আউট হৈ পেভিলিয়নমুখী হয় ৷ নিজৰ আইপিএল ত্ৰয়োদশ সংস্কৰণৰ প্ৰথমখন মেচতেই শূণ্য ৰানত আউট হয় ধাৱন ৷ ইয়াৰ পাচত যুৱ খেলুৱৈ পৃথ্বী শ্ব’ও 5 ৰান কৰি আউট হৈ পেভিলিয়নলৈ উভতে ৷ ইয়াৰ পাচত 13 ৰানৰ দলীয় স্ক’ৰত দলটোৱে তৃতীয়টো উইকেট হিচাপে হেৰুৱায় শিমৰণ হেটমেয়াৰৰ (7) ৰ ৷