স্পৰ্টছ ডেস্ক, 12 নৱেম্বৰ :সদ্যসমাপ্ত আইপিএলত সৰ্বাধিক ডট বল দিয়া বলাৰ হৈছে মুম্বাই ইণ্ডিয়ানছৰ স্পীডষ্টাৰ জছপ্ৰীত বুমৰাহ আৰু ৰাজস্থান ৰয়েলছৰ ফাষ্ট বলাৰ জফ্ৰা আৰ্চাৰ ৷ দুয়োগৰাকীয়ে 175 টাকৈ ডট বল দিবলৈ সক্ষম হৈছিল ৷ এনে বলৰ ক্ষেত্ৰত শীৰ্ষ দহ বলাৰৰ তালিকাত আছে বুমৰাহ সহ চাৰি ভাৰতীয় বলাৰ ৷
শীৰ্ষ 10 ত থকা অন্য ভাৰতীয় বলাৰসকল হৈছে : অষ্টম স্থানত কিংছ ইলেভেন পাঞ্জাৱৰ মহম্মদ ছামী (14 মেচত 140 টা ডট বল), নৱম স্থানত ছানৰাইজাৰ্ছ হায়দৰাবাদৰ টি. নতৰাজন (136) আৰু দশম স্থানত কিংছ ইলেভেনৰ লেগ স্পীনাৰ ৰবী বিষ্ণৈ (122) ৷
তৃতীয় স্থানত ছানৰাইজাৰ্ছ হায়দৰাবাদৰ লেগ স্পীনাৰ ৰছিদ খান (16 খন মেচত 168 ডট বল), চতুৰ্থ স্থানত দিল্লী কেপিটেলছৰ এনৰিক নৰ্টজে (16 খন মেচত 160 ডট বল), পঞ্চম স্থানত মুম্বাই দলৰ স্পীডষ্টাৰ ট্ৰেন্ট বল্ট (15 খন মেচত 157 ডট বল), ষষ্ঠ স্থানত দিল্লী কেপিটেলছৰ কাগিছো ৰাবাডা (17 খন মেচত 155 ডট বল) আৰু সপ্তমত কলকাতা নাইট ৰাইডাৰ্ছৰ পেট কামিনছ (14 খন মেচত 140 ডট বল) ৷