নিউজ ডেস্ক, ৩ মেঃ বৃহস্পতিবাৰে অনুষ্ঠিত মেচত ছুপাৰ অ'ভাৰৰ জৰিয়তে ছানৰাইজাৰ্ছ হাইদৰাবাদ দলক পৰাস্ত কৰে মুম্বাই ইণ্ডিয়ানছ দলে। ইয়াৰ পাছতে হাইদৰাবাদ দলৰ অলৰাউণ্ডাৰ মহম্মদ নবীয়ে সংবাদমেলত অংশগ্ৰহণ কৰি মন্তব্য কৰে যে, মুম্বাইৰ ৱাংখেড়ে ষ্টেডিয়ামৰ ভাল উইকেটৰ বাবে ছুপাৰ অ'ভাৰত ২-৩ টা ভাল শ্বট কোবোৱাৰ আশা কৰা হৈছিল। কিন্তু আশা কৰা মতে ফলাফল লাভ নকৰিলে বুলিও তেওঁ জানিবলৈ দিয়ে ।
জছপ্ৰীত বুমৰাহৰ প্ৰশংসাত পঞ্চমুখ মহম্মদ নবী - সংবাদমেলত অংশগ্ৰহণ
মুম্বাই ইণ্ডিয়ানছ দলৰ বিৰুদ্ধে পৰাস্ত হোৱাৰ পাছত ছানৰাইজাৰ্ছ হাইদৰাবাদ দলৰ অলৰাউণ্ডাৰ মহম্মদ নবীয়ে এক সংবাদমেল সম্বোধন কৰে ৷ প্ৰতিপক্ষৰ বলাৰ জছপ্ৰীত বুমৰাহৰ প্ৰশংসা কৰাৰ লগতে ছুপাৰ অ'ভাৰত ৰছিদ খান ব্যৰ্থ হোৱা বুলি জনাই তেওঁ ।
প্ৰতিপক্ষৰ বলাৰ জছপ্ৰীত বুমৰাহৰ প্ৰশংসা কৰি তেওঁ কয় যে,তেওঁ ছুপাৰ অ'ভাৰত ভাল প্ৰদৰ্শন কৰি দেখুৱালে। ৰছিদ খানে এজন ভাল বলাৰ বাবেই ছুপাৰ অ'ভাৰত তেওঁক বল কৰিবলৈ দিয়া হৈছিল যদিও তেওঁ ব্যৰ্থ হ'ল বুলি জনাই খেলুৱৈ গৰাকীয়ে।