মুম্বাই ইণ্ডিয়ানছৰ পৰৱৰ্তী খেলত মালিংগা

28 তাৰিখে বেংগালুৰুত মুম্বাইৰ হৈ খেলত অৱতীৰ্ণ হ'ব মালিংগা

স্পৰ্টছডেস্ক,26মাৰ্চঃআই পি এলৰ পৰৱৰ্তী খেলসমূহত মুম্বাই ইণ্ডিয়ানছৰ হৈ খেল পৰিৱেশন কৰা দেখা যাব শ্ৰীলংকাৰ বেগী বলাৰ লাচিথ মালিংগাক ৷ দক্ষিণ আফ্ৰিকা ভ্ৰমণত থকাৰ বাবে মালিংগাই মুম্বাইৰ হৈ প্ৰথমখন খেলত অংশ ল'ব পৰা নাছিল ৷ কিন্তু বি চি চি আইৰ সৈতে হোৱা আলোচনা অনুসৰি শ্ৰীলংকান ক্ৰিকেট বৰ্ডে খেলুৱৈগৰাকীকদক্ষিণ আফ্ৰিকাত চলি থকাএদিনীয়া প্ৰতিযোগিতাখনৰ পৰা ৰেহাই দিয়ে ৷ যাৰ বাবে 28 তাৰিখে ৰয়েল চেলেঞ্জাৰছ বেংগালুৰুৰ সৈতে অনুষ্ঠিত হ'বলগীয়া খেলত মুম্বাইৰ হৈ খেলা দেখা যাব বলাৰগৰাকীক ৷

উল্লেখ্য যে মুম্বাই ইণ্ডিয়ানছে দিল্লী কেপিটেল্ছৰ বিৰুদ্ধে হোৱা প্ৰথমখন খেলতে 37 ৰানত পৰাজিত হৈছিল ৷