ৰাজস্থানক পাঞ্জাৱৰ 183 ৰানৰ লক্ষ্য

ৰাহুলৰ অৰ্ধশতক, ৰাজস্থানৰ বিৰুদ্ধে 6 উইকেটৰ বিনিময়ত 182 ৰান সংগ্ৰহ কিংছ ইলেভেন পাঞ্জাৱৰ

স্পৰ্টছ ডেস্ক, 16 এপ্ৰিলঃমোহালীত অনুষ্ঠিত হোৱা আই পি এলৰ 32 সংখ্যক মেচত মুখামুখি হৈছে কিংছ ইলেভেন পাঞ্জাৱ আৰু ৰাজস্থান ৰয়েলছ ৷ প্ৰথমে বেটিং কৰি পাঞ্জাৱ দলটোৱে নিৰ্ধাৰিত 20 অভাৰত 6 উইকেট হেৰুৱাই সংগ্ৰহ কৰিছে 182 ৰান ৷ পাঞ্জাৱৰ হৈ কে.এল ৰাহুলে সৰ্বাধিক 52 ৰান কৰাৰ বিপৰীতে ক্ৰীছ গেইলে 30, ডেভিড মিলাৰে 40 ৰান কৰে ৷ আনহাতে অধিনায়ক আশ্বিনে মাত্ৰ 4 টা বলত অপৰাজিত 17 ৰান কৰি দলটোৰ স্ক'ৰ 180 ৰানলৈ অতিক্ৰম কৰাত সহায় কৰে ৷

ইপিনে ৰাজস্থানৰ হৈ সৰ্বাধিক সফলতা লাভ কৰে জফ্ৰা আৰ্চাৰে ৷ খেলুৱৈগৰাকীয়ে 4 অভাৰত 15 ৰান দি লাভ কৰে 3 টা উইকেট ৷ বৰ্তমান ৰাজস্থান দলটোৱে বেটিং কৰিবলৈ আহি 1 উইকেটৰ বিনিময়ত 9 অভাৰত 85 ৰান সংগ্ৰহ কৰিবলৈ সক্ষম হৈছে ৷