স্পৰ্টছ ডেস্ক,২৯ জুলাই :প্ৰথম খন এদিনীয়াত ৱেষ্ট ইণ্ডিজৰ বিৰুদ্ধে ভাৰতৰ শক্তিশালী বিজয়ৰ পাছত ভাৰতীয় দলটোৱে এতিয়া সম্পূৰ্ণ শৃংখলাটোৰ ওপৰত দৃষ্টি ৰাখিছে । লগতে, বেটিং লাইন-আপ আৰু আগন্তুক বিশ্বকাপৰ প্ৰতি লক্ষ্য ৰাখি কিছুমান পৰীক্ষা নিৰীক্ষাও কৰাৰ সম্ভাৱনা আছে । শনিবাৰে ভাৰতীয় দলটোৱে কেৱল ৱেষ্ট ইণ্ডিজৰ বিৰুদ্ধে এদিনীয়া শৃংখলা জয় কৰাৰ সুযোগ লাভ কৰাই নহয় পুনৰ এবাৰ বেটিং ক্ৰমত বহুতো পৰীক্ষা নিৰীক্ষা কৰাৰ সুযোগ লাভ কৰিব । যাৰ দ্বাৰা দলটোৱে বিশ্বকাপৰ প্ৰস্তুতিৰ বাবে বিভিন্ন ৰণনীতি প্ৰস্তুত কৰিব পাৰিব ।
প্ৰথম এদিনীয়াত ঈশান কিষাণে অপেনাৰ হিচাপে ৫২ ৰাণ সংগ্ৰহ কৰি উন্নত প্ৰদৰ্শন দেখুৱাইছিল । কিন্তু দ্বিতীয় এদিনীয়াত তেওঁ মিডল অৰ্ডাৰত বেটিং কৰিব নে ভাৰতে সঞ্জু চেমছনক এবাৰ সুযোগ দিব সেয়া লক্ষণীয় হ'ব । প্ৰথম এদিনীয়াত কুলদীপ যাদৱ আৰু ৰবীন্দ্ৰ জাদেজাৰ হাতৰ যাদুৱে ৱেষ্ট ইণ্ডিজক ধৰাশায়ী কৰিছিল । কিন্তু অতিথি দলটোৱে যুজবেন্দ্ৰ চাহালক শনিবাৰে খেলখনত সুযোগ দিব নেকি সেয়াও চাবলগীয়া বিষয় হ'ব ।
কেনিংটন অভেল ব্ৰিজটাউনত অনুষ্ঠিত হ'বলগীয়া দ্বিতীয় খন এদিনীয়াত ভাৰতীয় ক্ৰিকেট দলৰ বেটিং ট্ৰেক ৰেকৰ্ড ভাল নহয় । খেলপথাৰখনৰ ইতিহাসলৈ লক্ষ্য কৰিলে, ভাৰতীয় ক্ৰিকেট দলে ইয়াত কেতিয়াও ২০০ৰ সীমা অতিক্ৰম কৰিবলৈ সক্ষম হোৱা নাই আৰু ভাৰতীয় বেটছমেনসকলক ইয়াত সদায় খেলপথাৰত সংগ্ৰাম কৰা দেখা গৈছে । ইয়াত সৰ্বাধিক স্ক'ৰ হৈছে ১৯৯ ৰাণ, যাৰ পাছত ভাৰতীয় দলটো পৰাজিত হয় ।