নিউজ ডেস্ক, 12 জানুৱাৰী: কলকাতাৰ ইডেন গাৰ্ডেনত বৃহস্পতিবাৰে অনুষ্ঠিত ভাৰত আৰু শ্ৰীলংকাৰ মাজৰ দ্বিতীয়খন এদিনীয়াত জয়লাভ ভাৰতৰ (India beat Sri Lanka in 2nd ODI) ৷ তিনিখনীয়া শৃংখলাৰ দুখনত জয়লাভ কৰি ইতিমধ্যে শৃংখালটো নিজৰ দখললৈ আনিছে ভাৰতীয় দলে ৷ শ্ৰীলংকাই জয়ৰ বাবে ভাৰতক 215 ৰাণৰ লক্ষ্য বান্ধি দিছিল যদিও 43.2 অভাৰত 4 টা উইকেটত জয়লাভ কৰে ভাৰতে ৷
আজিৰ খেলখনত টচত জয়ী হৈ প্ৰথমে বেটিঙৰ সিদ্ধান্ত গ্ৰহণ কৰিছিল শ্ৰীলংকা দলে ৷ 5.6 অভাৰত অপেনাৰ আভিস্কা ফাৰ্ণাণ্ডোৰ উইকেট হেৰুৱাওৱাৰ পাচত দ্বিতীয় উইকেটৰ যুটিত নুৱানিদো আৰু কুশল মেণ্ডিছে দলটোক কিছু স্থিতি প্ৰদান কৰে ৷ কিন্তু 17 অভাৰত কুশল মেণ্ডিছ আউট হোৱাৰ পাচতে নিয়মীয়াকৈ উইকেট হেৰুৱাবলৈ লয় সিংহল বাহিনীয়ে ৷ 39.4 অভাৰত আটাইকেইটা উইকেট হেৰুৱাই শ্ৰীলংকাই সংগ্ৰহ কৰে 215 ৰাণ ৷ ভাৰতৰ হৈ মহম্মদ ছিৰাজে 3টা, কুলদ্বীপ যাদৱে 3 টা, উমৰাণ মালিকে 2 টা উইকেট দখল কৰে (India vs Sri Lanka 2nd ODI) ৷
216 ৰাণৰ লক্ষ্য আগত লৈ খেল আৰম্ভ কৰা ভাৰতীয় দলে 4.6 অভাৰত 33 ৰাণত ৰোহিত শৰ্মাৰ উইকেট হেৰুৱাই ৷ প্ৰথমখন এদিনীয়াত গুৱাহাটীত বিস্ফোৰক বেটিঙেৰে শতক অৰ্জন কৰা বিৰাট কোহলীয়ে আজি মাত্ৰ 4 ৰাণ কৰি পেভিলিয়নলৈ ওভতে ৷ শুভমন গিল, শ্ৰেয়াছ আয়াৰৰো প্ৰদৰ্শন আজি বৰ সন্তোষজনক নাছিল ৷
কে এল ৰাহুলে দলক বিজয়ৰ দিশে আগুৱাই নিয়াৰ দায়িত্ব বহন কৰে আজিৰ খেলত ৷ ৰাহুলে 64 ৰাণ ককৰি অপৰাজিত হৈ ৰয় ৷ 36 ৰাণৰ বৰঙণি আগবঢ়াই হাৰ্দিক পাণ্ডিয়াই ৷ শ্ৰীলংকাৰ হৈ লাহিৰু কুমাৰা আৰু চামিকা কৰুণাকান্তেয়ে 2 টাকৈ আৰু কাচুন ৰজিথা, ধনঞ্জয়া ডি চিলভাই 1 টাকৈ উইকেট দখল কৰে (India won against Sri Lanka) ৷