স্পৰ্টছ ডেস্ক,25 নৱেম্বৰঃঅষ্ট্ৰেলিয়াৰ বিৰুদ্ধে অৱতীৰ্ণ হ’বলগীয়া শৃংখলাৰ পূৰ্বে দলৰ নতুন পেছাৰ কাৰ্তিক ত্যাগীক পৰামৰ্শ প্ৰদান কৰিছে জছপ্ৰিত বুমৰাহে ৷ ভাৰতীয় দলটোৱে অষ্ট্ৰেলিয়াত উপস্থিত হোৱা ইতিমধ্যে 10 দিন সম্পূৰ্ণ হৈছে ৷ খেলুৱৈ সকল কোৱাৰেন্টাইনত থকাৰ মাজতে নিৰৱিচ্ছিন্ন ভাৱে ৰঙা আৰু বগা বলেৰে প্ৰশিক্ষণ অব্যাহত ৰাখিছে ৷ খেলপথাৰত উন্নত প্ৰদৰ্শন দেখুওৱাৰ ক্ষেত্ৰত ভাৰতীয় দলটোৱে কোনো ধৰণৰ ত্ৰুটি কৰা নাই ৷ বুধবাৰে বি চি চি আইয়ে প্ৰশিক্ষণৰ কিছু ছবিও শ্বেয়াৰ কৰে ৷
ছবিখনত বুমৰাহে ভাৰতীয় দলত নেট বলাৰ হিচাপে যোগদান কৰা কাৰ্তিক ত্যাগীক কিছুমান গুৰুত্বপূৰ্ণ টিপছ প্ৰদান কৰি থকা পৰিলক্ষিত হৈছে ৷ ছবিখন শ্বেয়াৰ কৰি বি চি চি আইয়ে লিখে, "যেতিয়া আপোনাক এই যাত্ৰাত গাইড কৰাৰ বাবে এগৰাকী বিজ্ঞ উপস্থিত থাকে ৷ @Jaspritbumrah93 @tyagiktk #TeamIndia"