স্পৰ্টছ ডেস্ক,8 ডিচেম্বৰঃ মঙলবাৰে তৃতীয়খন টি-20ত অষ্ট্ৰেলিয়াৰ মুখামুখী হ’ব ভাৰতীয় স্কোৱাড ৷ আজিৰ খেলখনত আয়োজক অষ্ট্ৰেলিয়াক ক্ৰিকেটৰ আটাইতকৈ চুটি ফৰমেটত হোৱাইট ৱাছ কৰাৰ সুযোগ লাভ কৰিব বিৰাট কোহলী নেতৃত্বাধীন ভাৰতীয় দলটোৱে ৷
ইয়াৰ পূৰ্বে দুয়োখন টি-20ত কেংগাৰু বাহিনীক পৰাজিত কৰিবলৈ সক্ষম হৈছে ভাৰতীয় দলটোৱে ৷ প্ৰথমখন টি-20 ত প্ৰথমে বেটিঙেৰে ভাৰতীয় দলটোৱে 11 ৰাণত জয়লাভ কৰিবলৈ সক্ষম হোৱাৰ বিপৰীতে দ্বিতীয়খন টি-20ত হাৰ্ডিক পাণ্ডিয়াৰ আকৰ্ষণীয় প্ৰদৰ্শনেৰে অষ্ট্ৰেলিয়াৰ বিৰুদ্ধে 6 উইকেটত জয় লাভ কৰিছিল ভ্ৰমণকাৰী ভাৰতে ৷
পাণ্ডিয়া এই শৃংখলাৰ তাৰকা হিচাপে পৰিণত হৈছে ৷ তিনিখন এদিনীয়া আৰু দুখন টি-20ত পাণ্ডিয়াই 89.33 গড়েৰে 268 ৰাণ সংগ্ৰহ কৰিছে ৷ তেখেতৰ এই প্ৰদৰ্শনে ভাৰতীয় টেষ্ট ক্ৰিকেটত তেখেতৰ অন্তৰ্ভূক্তিৰ সম্ভাৱনা বৃদ্ধি কৰিছে ৷ বৰ্তমানলৈকে ভাৰতীয় টেষ্ট স্কোৱাডৰ অংশ নহয় পাণ্ডিয়া ৷
ইয়াৰ উপৰিও আন্তঃৰাষ্ট্ৰীয় শৃংখলাত প্ৰথমবাৰৰ বাবে খেলা টি. নটৰাজনেও যথেষ্ট উন্নত প্ৰদৰ্শন দেখুৱাবলৈ সক্ষম হৈছে ৷ দ্বিতীয়খন টি-20ত নটৰাজনে 2 টা গুৰুত্বপূৰ্ণ উইকেট দখলেৰে অষ্ট্ৰেলিয়া দলটোক 20 ৰাণ প্ৰদান কৰে ৷