স্প’ৰ্টছ ডেস্ক, 11 জুলাই :ঘৰুৱা দলৰ শিবিৰত ক’ভিড-১৯ ৰ প্ৰাদুৰ্ভাৱৰ বাবে এতিয়া শ্ৰীলংকাত ভাৰতৰ ছয়খন মেচৰ হোৱাইট বল শৃংখলা ১৮ জুলাইৰ পৰা আৰম্ভ হ'ব । শ্ৰীলংকাৰ বেটিং প্ৰশিক্ষক গ্ৰাণ্ট ফ্লাৱাৰ(Grant Flower) আৰু এনালিষ্ট জিটি নিৰোছনে(GT Niroshan) ইংলেণ্ড ভ্ৰমণৰ পৰা উভতি অহাৰ পিছত ক’ভিড আক্ৰান্ত হোৱা বাবে প্ৰথমতে তিনিখন এদিনীয়া খেলৰ সৈতে আৰম্ভ হ'বলগীয়া এই শৃংখলাটোৰ সময় পুনৰ নিৰ্ধাৰণ কৰিব লগা হৈছিল ৷ এই কথা সদৰী কৰিছে বিচিচিআই(BCCI)ৰ সচিব জয় শ্বাহে ৷
এক কথাত দলটোৰ সদস্যসকলৰ বাবে এক বৰ্ধিত সময়ৰ বাবে কোৱাৰেণ্টাইনৰ ম্যাদ বৃদ্ধি কৰাৰ বাবে এই ব্যৱস্থা গ্ৰহণ কৰা হৈছিল ৷ যদিও মূলতঃ আলোচনা কৰা তাৰিখটো নিদিৰ্ষ্ট হোৱা নাছিল ৷ কিন্তু শ্বাহে শৃংখলাটো 18 জুলাইৰ পৰা আৰম্ভ হ'ব বুলি নিশ্চিত কৰে । ইয়াৰ লগতে তেওঁ সংবাদ মাধ্যমক জনায় যে, "ঘৰুৱা দলটোৰ শিবিৰত ক’ভিড-19 ৰ প্ৰাদুৰ্ভাৱৰ বাবে ভাৰত-শ্ৰীলংকা এদিনীয়া শৃংখলা 18 জুলাইত আৰম্ভ হ'ব"৷