প্ৰসংগ : বিশ্বকাপ ২০২৩; মহম্মদ ছামীৰ প্ৰশিক্ষক বদৰুদ্দিনৰ সৈতে A টু Z

আজি গুজৰাটৰ নৰেন্দ্ৰ মোডী ষ্টেডিয়ামত অনুষ্ঠিত হ’ব আই চি চি ক্ৰিকেট বিশ্বকাপ ২০২৩ৰ ফাইনেল । এই মেচ সন্দৰ্ভত ভাৰতীয় দ্ৰুত বলাৰ মহম্মদ ছামীয়ে ইটিভি ভাৰতক কি কয় জানি লওক...

স্পৰ্টছ ডেস্ক, 19 নৱেম্বৰ: ক্ৰিকেট বিশ্বকাপৰ ত্ৰয়োদশ সংস্কৰণৰ চূড়ান্ত খেলৰ বাবে সাজু হৈছে বিশ্বৰ সৰ্ববৃহৎ ষ্টেডিয়াম । আজি আহমেদাবাদৰ নৰেন্দ্ৰ মোদী ষ্টেডিয়ামত অনুষ্ঠিত হ’ব বিশ্বকাপ মহাৰণ, অনুষ্ঠিত হ’ব বিশ্বকাপ 2023 এতিয়া প্ৰশ্ন হয় যে কোনটো দলে মাৰিব শেষ হাঁহি ? তাকেই লৈ এতিয়া সমগ্ৰ দেশতে এক উৎসাহপূৰ্ণ পৰিবেশে বিৰাজ কৰা দেখিবলৈ পোৱা গৈছে ৷ বৰ্তমান সমগ্ৰ দেশৰ দৃষ্টি এই চূড়ান্ত খেলখনৰ ওপৰত যে কোনে জয়লাভ কৰিব । ক্ৰিকেট অনুৰাগীয়ে ভাৰতীয় বেটছমেন আৰু বলাৰৰ পৰা উন্নত প্ৰদৰ্শনৰ আশা কৰে ।

প্ৰশিক্ষক বদৰুদ্দিন ছিদ্দিকীৰ সৈতে মহম্মদ ছামী

ইতিমধ্যে, নিউজিলেণ্ড আৰু অষ্ট্ৰেলিয়া আৰু দক্ষিণ আফ্ৰিকাক পৰাস্ত কৰি ফাইনেলত প্ৰৱেশ কৰিছে ভাৰতীয় দলটোৱে । বৰ্তমান আজি সমগ্ৰ দেশৰ দৃষ্টি নিউজিলেণ্ডৰ বিৰুদ্ধে 7 টা উইকেট দখল কৰা ভাৰতীয় দ্ৰুত বলাৰ মহম্মদ ছামীৰ ওপৰত । সেয়ে শৈশৱৰ পৰা মহম্মদ ছামীৰ প্ৰশিক্ষক হিচাপে থকা বদৰুদ্দিনে আশা কৰিছে যে ছামীয়ে মেচখনত ভাল প্ৰদৰ্শন কৰিব আৰু দলটোক বিশ্বকাপৰ মেচত জয়লাভ কৰাত সহায় কৰিব ।

প্ৰশিক্ষক বদৰুদ্দিন ছিদ্দিকীৰ সৈতে মহম্মদ ছামী

মুৰাদাবাদ জিগৰ কলনী বাসিন্দা বদৰুদ্দিনে সৰুৰে পৰা ভাৰতীয় দলৰ দ্ৰুত বলাৰ মহম্মদ ছামীৰ প্ৰশিক্ষক হিচাপে কাম কৰি আহিছে । বদৰুদ্দিনে টি এম ইউত নিজাকৈ একাডেমী চলায় । তেওঁৰ একাডেমীৰ আন 3 গৰাকী খেলুৱৈ মোচিন খানে লক্ষ্ণৌ দলৰ সৈতে আই পি এল খেলি আছে । আৰ্য্য যুগল আৰু শিৱম বাৰ্মাই 19 বছৰ বয়সত বিশ্বকাপ খেলিছে । ইফালে, 19 নৱেম্বৰ অৰ্থাৎ আজি অনুষ্ঠিত হ’বলগীয়া আই চি চি বিশ্বকাপৰ চূড়ান্ত খেলখনত মহম্মদ ছামীৰ পৰা প্ৰশিক্ষক বদৰুদ্দিনে কি আশা কৰিছে ? প্ৰশিক্ষক বদৰুদ্দিনে ছামীক কি ক'লে এই প্ৰতিবেদনৰ জৰিয়তে জানো আহক...

• আপোনাৰ শিষ্য মহম্মদ ছামীয়ে ইতিহাসৰ সৃষ্টি কৰিছে, কেনে অনুভৱ ?

আপোনাৰ যিকোনো ছাত্ৰই ইমান ভাল প্ৰদৰ্শন, বিশেষকৈ বিশ্বকাপ প্ৰতিযোগিতাত আৰু ছেমি ফাইনেলত জয়ী হোৱাটো অতি আনন্দৰ বিষয়, মই ছামীৰ প্ৰদৰ্শনত অতিশয় সুখী । এই সুখ প্ৰকাশ কৰিবলৈ মোৰ হাতত শব্দৰ অভাৱ ।

• ছামীৰ প্ৰাৰম্ভিক প্ৰশিক্ষণ আপোনাৰ লগত হৈছিল, আপুনি তেওঁক কেনেকৈ প্ৰশিক্ষণ দিছিল ?

মহম্মদ ছামী আৰম্ভণিৰে পৰাই অতি শান্ত ল'ৰা । তেওঁ বহুত কঠোৰ পৰিশ্ৰম কৰি আহিছে, চাওক, বহুত ল'ৰা-ছোৱালী আছে, কিছুমান ল'ৰা-ছোৱালী বেলেগ, তেওঁও সেই বেলেগ ল'ৰাবোৰৰ মাজৰ এজন আছিল ছামী, কাৰণ তেওঁ যিমান কষ্ট কৰিছে, যদি কোনো শিশুৱে ইমান কষ্ট কৰিব পাৰে, তেন্তে তেওঁ নিশ্চিতভাৱে সফল হ'ব ৷

• ছামীৰ লগত কেতিয়া কথা পাতিছিলে ?

হয়, টুৰ্ণামেণ্টৰ সময়ত তেওঁৰ লগত বহুবাৰ কথা পাতিছিলো, ছামীয়ে কৈছিল যে তেওঁ অবিৰতভাৱে ভাল কাম কৰি আছে, দলটোৱেও ভাল কাম কৰি আছে, গতিকে এইবাৰ আমি বিশ্বকাপ জয় কৰিবলৈ গৈ আছো ।

• এই পৰ্যন্ত ছামীয়ে যিমানবোৰ মেচ খেলিছে, তাত আপুনি কেতিয়াবা অনুভৱ কৰিছিলনে যে তেওঁৰ মাজত আপুনি কিবা ক্ৰটি দেখিবলৈ পাইছিল নেকি ? তেওঁক আপুনি কিবা পৰামৰ্শ দিব বিচাৰেনে বা আপুনি অনুভৱ কৰেনে যে তেওঁ বহুত ভাল খেলিছে আৰু এতিয়া ইয়াৰ প্ৰয়োজন নাই ?

পৰামৰ্শ দিয়াৰ প্ৰয়োজন নাই, চাওক তেওঁ ইমান ভাল কাম কৰি আছে যে টুৰ্ণামেণ্টত ৫-৫ উইকেট আৰু ৪-৪ উইকেট দখল কৰিছে । ৭ টা উইকেট দখল কৰাৰ পিছত আমি আৰু তেওঁৰ পৰা কি বিচাৰিব পাৰো, কোনো দ্ৰুত বলাৰে এদিনীয়া মেচত ভাৰতৰ হৈ একেলগে ইমান উইকেট দখল কৰিবলৈ সক্ষম হোৱা নাই ।

• আপুনি কেতিয়াবা ছামীক লগ পায় নে ?

টুৰ্ণামেণ্ট শেষ হ’লেই তেওঁ ইয়ালৈ আহে, কেতিয়াবা মই তেওঁৰ ফাৰ্ম হাউচলৈ গৈ তেওঁক লগ কৰিবলৈ যাওঁ, আমি দুয়ো ইজনে আনজনৰ ওচৰলৈ অহা-যোৱা কৰি থাকোঁ । টুৰ্ণামেণ্টৰ সময়তো মই ফোনত কথা পাতি থাকো । টুৰ্ণামেণ্টৰ সময়ত মই ডিষ্টাৰ্ব নকৰো, কাৰণ টুৰ্ণামেণ্টত সম্পূৰ্ণৰূপে মনোনিৱেশ কৰিব লাগে । তেওঁ তাত ভাল প্ৰদৰ্শণ কৰি আছে । আমি একো কোৱা বা কৰাৰ প্ৰয়োজন নাই ।

• ছামী ভাৰতীয় দলৰ ডাঙৰ খেলুৱৈ, তেওঁ আপোনাৰ ছাত্ৰ, তাৰ পিছত তেওঁৰ আচৰণত কিবা পৰিৱৰ্তন হৈছিল নেকি ?

মই কেতিয়াও কোনো পৰিৱৰ্তন দেখা নাপালো, ইমান বছৰ হ’ল, যেতিয়াই তেওঁ মোৰ ওচৰলৈ আহে মোক ভালদৰে লগ কৰে । যেতিয়াই তেওঁৰ ঠাইলৈ যাওঁ তেতিয়াই যথেষ্ট সন্মান পাওঁ, তেওঁ ইমান ডাঙৰ এগৰাকী খেলুৱৈ হোৱাটো মোৰ বাবে গৌৰৱৰ বিষয় আৰু আজিলৈকে তেওঁৰ আচৰণৰ কোনো পৰিৱৰ্তন হোৱা নাই ।

• ছামীৰ পিচত আৰু অন্য ছাত্ৰক ক্ৰিকেটৰ বাবে প্ৰস্তুত কৰি আছে নেকি ?

লক্ষ্ণৌৰ হৈ আই পি এল খেলা মহছিন খান নামৰ এগৰাকী ছাত্ৰ । অনাগত সময়ত ভাৰতে আন এজন খেলুৱৈ লাভ কৰিব বুলি মই অতিশয় আশাবাদী । শিৱম শৰ্মা, আৰ্য যুগলে বিশ্বকাপ আন্দাৰ 19 খেল খেলিছে । দুয়োজনেই খুব ভাল খেলুৱৈও আৰু বহুতো ছাত্ৰ ওলাই আহিছে, ইয়াৰ আটাইকেইজনেই মোৰ শিষ্য ।

• ফাইনেল সন্দৰ্ভত ছামীৰ পৰা কি আশা কৰা হৈছে ?

7 উইকেটতকৈ বেছি কি আশা কৰিব পাৰি, ছেমি ফাইনেলৰ দৰে আৰু এটা স্পেল বিচাৰো, যাতে আমি বিশ্বকাপ ঘৰলৈ আনিব পাৰো । আপুনি আৰু মই আৰু সমগ্ৰ ভাৰতবাসীয়ে বিজয়ৰ উৎসৱ পালন কৰাটো বিচাৰো ৷

• ছামীক লৈ গৌৰৱ অনুভৱ কৰিছেনে ?

ছামীৰ বাবে মোৰ একো ভাষা নাই, সমগ্ৰ দেশে আনন্দ উল্লাস কৰিছে । তেওঁৰ ওপৰত মিম বনোৱা হৈছে যে এয়া ছামী ফাইনেল আছিল আৰু ছেমি ফাইনেল নহয় । মোৰ বাবে ইয়াতকৈ আনন্দৰ কথা আৰু কি হ’ব পাৰে ! মোৰ প্ৰশংসা কৰিবলৈ শব্দ নাই ।

লগতে পঢ়ক:কোনে আজুৰিব 2023 বৰ্ষৰ বিশ্ব চেম্পিয়নৰ খিতাপ ?