স্পৰ্টছ ডেস্ক,২৭ মাৰ্চ: ভাৰত আৰু ইংলেণ্ডৰ মাজত এদিনীয়া শৃংখলা অব্যাহত আছে । ইতিমধ্যে দুয়োটা দল এখনকৈ খেলত বিজয় সাব্যস্ত কৰিছে । ইয়াৰ মাজতে চৰ্চালৈ আহিছে ভাৰতীয় দলৰ নতুন মুখ প্ৰসিদ্ধ কৃষ্ণ । ইংলেণ্ডৰ বিৰুদ্ধে প্ৰথম এদিনীয়াত আত্মপ্ৰকাশ হোৱা কৰ্ণাটকৰ খেলুৱৈ গৰাকীয়ে ৪ টাকৈ উইকেট দখল কৰাৰ লগে লগে বিভিন্নজনৰ প্ৰশংসাৰ পাত্ৰ হৈছে ।
ভাৰতৰ প্ৰাক্তন অধিনায়ক সুনীল গাভাস্কাৰেও প্ৰশংসা কৰিলে প্ৰসিদ্ধ কৃষ্ণক । ২০১৮ চনত জচপ্ৰিত বুমৰাহৰ দৰে প্ৰসিদ্ধ কৃষ্ণইও নিজৰ বলিঙৰ গতি আৰু চিমৰ জৰিয়তে টেষ্ট ক্ৰিকেটত ভাৰতৰ হৈ ভাল প্ৰদৰ্শন কৰিব পাৰিব বুলি আশা প্ৰকাশ কৰে প্ৰাক্তন অধিনায়কজনে ।