আজি পাকিস্তানৰ বিৰুদ্ধে যুঁজত নামিব ৱেষ্ট ইণ্ডিজ

শুকুৰবাৰে ট্ৰেণ্ট ব্ৰীজ ষ্টেডিয়ামত অনুষ্ঠিত হ'ব বিশ্বকাৰ ক্ৰিকেটৰ দ্বিতীয় খন মেচ । এই মেচত পাকিস্তানৰ বিৰুদ্ধে অৱতীৰ্ণ হ'ব ৱেষ্ট ইণ্ডিজ ।

স্পৰ্টছ ডেস্ক, ৩১ মে': ট্ৰেণ্ট ব্ৰীজ ষ্টেডিয়ামত অনুষ্ঠিত হ'বলগা বিশ্বকাপ ক্ৰিকেটৰ দ্বিতীয় খন মেচত শুকুৰবাৰে সন্মুখ-সমৰত নামিব পাকিস্তান আৰু ৱেষ্ট ইণ্ডিজ। বিশ্বকাপৰ পূৰ্বে পাকিস্তান দলে উপৰ্যুপৰি এদনীয়া শৃংখলাৰ ১০ খনকৈ মেচত পৰাজিত হোৱাৰ লগতে শেহতীয়া ৩২ খন মেচৰ ২১ খনতে পৰাজয়বৰণ কৰিছে ।

পাকিস্তান ক্ৰিকেট দল

ইয়াৰোপৰি ৱেষ্ট ইণ্ডিজ দলে যোৱা এটা বছৰত প্ৰায় মিশ্ৰিত ফলাফল লাভ কৰাৰ উপৰিও ২৮ খন মেচৰ ১৪ খনতে জয় লাভ কৰিছে । বিশ্বকাপত বৰ্তমানলৈকে হোৱা ১০ বাৰৰ মুখামুখিত ৱেষ্ট ইণ্ডিজ দলে ৭ বাৰ জয়ী হোৱাৰ লগতে পাকিস্তানে ৩ বাৰহে জয়ী হ'বলৈ সক্ষম হৈছে ।

ৱেষ্ট ইণ্ডিজ ক্ৰিকেট দল

উল্লেখ্য যে, বিশ্বকাপত বৰ্তমানলৈকে ৱেষ্ট ইণ্ডিজে ৩ বাৰকৈ ফাইনেলত স্থান সুনিশ্চিত কৰাৰ লগতে দুবাৰকৈ খিতাপ দখল কৰিবলৈ সক্ষম হৈছিল । ইয়াৰ পৰিৱৰ্তে পাকিস্তান দলে ৪ বাৰ ছেমিফাইনেল আৰু দুবাৰ ফাইনেলত প্ৰৱেশ কৰাৰ লগতে এবাৰ খিতাপ দখল কৰিবলৈ সক্ষম হৈছে । শুকুৰবাৰৰ মেচত দুয়োটা শক্তিশালী দলে জয়েৰে অভিযানৰ আৰম্ভণি কৰিবলৈ মৰণপণ যুঁজত নামিব ।