সুযোগৰ বাবে অপেক্ষা কৰি আছিলো : ছামী

আফগানিস্তানৰ বিৰুদ্ধে শনিবাৰৰ মেচত হেট্ৰিক অৰ্জন কৰাৰ পাছতে এই সুযোগৰ বাবে অপেক্ষা কৰি আছিলো বুলি মন্তব্য কৰিছে ভাৰতীয় বলাৰ মহম্মদ ছামীয়ে ৷

নিউজ ডেস্ক, 23 জুন : শনিবাৰে অনুষ্ঠিত বিশ্বকাপৰ মেচত আফগানিস্তানৰ বিৰুদ্ধে হেট্ৰিক অৰ্জনকাৰী ভাৰতীয় ক্ৰিকেট দলৰ বলাৰ মহম্মদ ছামীয়ে মন্তব্য কৰে যে তেওঁ সুযোগৰ বাবে অপেক্ষা কৰি আছিল ৷ মেচৰ পাছত অনুষ্ঠিত সংবাদমেলত ছামীয়ে কয়, তেওঁ ভাৰতৰ হৈ খেলিবৰ বাবে সুযোগ বিচাৰি আছিল আৰু সেই সুযোগ লাভ কৰাৰ পাছতে হেট্ৰিক অৰ্জন কৰিবলৈ সক্ষম হয় ৷ এই সাফল্যৰ বাবে তেওঁ যথেষ্ট সুখী বুলি জানিবলৈ দিয়ে ৷

মহম্মদ ছামী

উল্লেখ্য যে, 28 বৰ্ষীয় ভাৰতীয় খেলুৱৈ গৰাকীয়ে ভূৱনেশ্বৰ কুমাৰৰ পৰিৱৰ্তে দলত স্থান লাভ কৰাৰ পাছতে দলৰ জয়ত গুৰুত্বপূৰ্ণ ভূমিকা পালন কৰে ৷ আফগানিস্তানৰ বিৰুদ্ধে ছামীয়ে 40 ৰাণ খৰচ কৰি 4 টাকৈ উইকেট দখল কৰে ৷ শেষৰ অ'ভাৰত ছামীয়ে 4 ৰাণ খৰচ কৰি হেট্ৰিক অৰ্জন কৰাৰ লগতে বিশ্বকাপৰ ইতিহাসত হেট্ৰিক অৰ্জন কৰা দ্বিতীয় ভাৰতীয় হিচাপে চিহ্নিত হয় ৷