ক্ৰিকেট বিশ্বকাপ জয়ৰ লক্ষ্যৰে লণ্ডনত ভাৰতীয় দল

বুধবাৰে ইংলেণ্ডত উপস্থিত হৈছে ভাৰতীয় ক্ৰিকেট দল । আগন্তুক বিশ্বকাপ জয়ৰ লক্ষ্যৰে দলটো ইংলেণ্ডত উপস্থিত হোৱাৰ ফ'টো শ্বেয়াৰ কৰে ভাৰতীয় ক্ৰিকেট ব'ৰ্ডে ।

নিউজ ডেস্ক, ২২ মে': বিশ্বকাপ ক্ৰিকেট, ২০১৯ ত অংশগ্ৰহণৰ লক্ষ্যৰে বুধবাৰে ভাৰতীয় ক্ৰিকেট দল উপস্থিত হয়গৈ ইংলেণ্ডত । দলটো গৈ ইংলেণ্ডত উপস্থিত হোৱাৰ পাছতে ভাৰতীয় ক্ৰিকেট ব'ৰ্ডে টুইটাৰ একাউন্টৰ জৰিয়তে ফ'টো শ্বেয়াৰ কৰা পৰিলক্ষিত হয় । বিশ্বকাপৰ পূৰ্বে ৱাৰ্ম আপ মেচত অংশগ্ৰহণ কৰিবলগীয়া ভাৰতীয় দলে ২৫ মে'ত নিউজিলেণ্ডৰ বিৰুদ্ধে প্ৰথম মেচত আৰু ২৮ মে'ত বাংলাদেশৰ বিৰুদ্ধে দ্বিতীয় মেচত অংশগ্ৰহণ কৰিব ।

উল্লেখ্য যে, ৫ জুনত ভাৰতীয় দলে বিশ্বকাপৰ প্ৰথম মেচত দক্ষিণ আফ্ৰিকাৰ বিৰুদ্ধে প্ৰতিযোগিতাত নামিব ।