স্পৰ্টছ ডেস্ক,9 জুলাই : মানচেষ্টাৰৰ অ'ল্ড ট্ৰেফৰ্ড ক্ৰিকেট গ্ৰাউণ্ডত মঙলবাৰে ভাৰত বনাম নিউজিলেণ্ডৰ মাজত অনুষ্ঠিত হ'ব বিশ্বকাপ ক্ৰিকেট, 2019ৰ প্ৰথমখন ছেমি ফাইনেল ৷ উল্লেখ্য যে, ভাৰতীয় দলে দুবাৰকৈ অৰ্থাৎ 1983 আৰু 2011 চনত বিশ্বকাপ জয় দখল কৰিছে যদিও নিউজিলেণ্ড দলে বৰ্তমানলৈকে বিশ্বকাপ জয়ৰ সোৱাদ লাভ কৰা নাই ৷ ইয়াৰোপৰি, 'মেন ইন ব্লু'য়ে গ্ৰুপ ষ্টেজত 15 পইন্টেৰে শীৰ্ষ স্থান দখল কৰাৰ পৰিৱৰ্তে নিউজিলেণ্ডে 11 পইন্টেৰে চতুৰ্থ স্থান দখল কৰিছে ৷ ভাৰতীয় দলে গ্ৰুপ ষ্টেজত শেষৰ দুয়োখন মেচতে জয়লাভ কৰি আত্মবিশ্বাসী হৈ আছে ৷ ইয়াৰ পৰিৱৰ্তে কিৱি দলটোৱে শেষৰ দুয়োখন মেচতে পৰাজয়বৰণ কৰিছে ৷ কিন্তু দুয়োটা দলে মুখামুখি হোৱা বিশ্বকাপৰ ৱাৰ্মআপ মেচ খনত কিৱি দলে জয়লাভ কৰিবলৈ সক্ষম হৈছিল ৷
ভাৰত বনাম নিউজিলেণ্ড