স্পোৰ্টছ ডেস্ক, ১ জুন: আগন্তুক টি-২০ বিশ্বকাপক লৈ মুখ খুলিলে ভাৰতীয় যুৱ বলাৰ জশপ্ৰীত বুমৰাহে । বাস্তৱিকতে অতি সুন্দৰকৈ ভাৰতীয় দলটোৰ অনুশীলন চলি আছিল আৰু টি-২০ বিশ্বকাপ টুৰ্ণামেণ্টৰ পূৰ্বেই বহুকেইখন খেল অনুষ্ঠিত হোৱাৰ কথা আছিল যদিও কোভিড-১৯ৰ বাবে খেলসমূহ স্থগিত ৰাখিবলগীয়া হয় ।
আগন্তুক টি-২০ বিশ্বকাপ অষ্ট্ৰেলিয়াৰ ৭টা স্থানত ১৮ অক্টোবৰৰ পৰা ১৫ নৱেম্বৰলৈ অনুষ্ঠিত হ'ব বুলি বলাৰগৰাকীয়ে জানিবলৈ দিয়ে । লগতে তেওঁ কয় যে, অৱশ্যে মহামাৰী কৰ'ণা ভাইৰাছৰ বাবে বহু খেল ইতিমধ্যে বাতিল কৰিবলগীয়া হৈছে । ইফালে আন্তঃৰাষ্ট্ৰীয় ক্ৰিকেট পৰিষদ (আই.চি.চি.)য়ে বৃহস্পতিবাৰে সকলো এজেণ্ডা আইটেমছৰ সিদ্ধান্তসমূহৰ সময়সীমা ১০ জুন ধাৰ্য কৰি দিয়ে ।