যোগ দিৱসত ভাৰতীয় ক্ৰিকেট দলক ব্যতিক্ৰমী শুভেচ্ছা

পঞ্চম আন্তঃৰাষ্ট্ৰীয় যোগ দিৱসত ভাৰতীয় ক্ৰিকেট দলক বিশ্বকাপৰ এক বিশেষ শুভেচ্ছা চেন্নাইৰ কণ-কণ ছাত্ৰ-ছাত্ৰীৰ ৷ বিশ্বকাপ ট্ৰফীৰ আকাৰত যোগাসন কৰি শুভেচ্ছা জ্ঞাপন ভাৰতীয় ক্ৰিকেট দলক ৷

স্পৰ্টছ ডেস্ক, 21 জুনঃআজি বিশ্বজুৰি পালন কৰা হৈছে আন্তঃৰাষ্ট্ৰীয় যোগ দিৱস ৷ ইয়াৰ লগত সংগতি ৰাখি চেন্নাইত ভাৰতীয় ক্ৰিকেট দলক 2019 বিশ্বকাপৰ বাবে এক ব্যতিক্ৰম ৰূপত যোগাসন কৰি শুভেচ্ছা জ্ঞাপন কৰে চেন্নাইৰ কণ কণ ছাত্ৰ-ছাত্ৰীসকলে ৷ বিশ্বকাপ ট্ৰফীৰ আকাৰত যোগ কৰি শুভেচ্ছা জ্ঞাপন কৰে ছাত্ৰ-ছাত্ৰীসকলে ৷ বিদ্যালয়খনৰ খেল পথাৰত জাতীয় পতাকাৰ তলত যোগাসন কৰা দেখা পোৱা যায় এই কণ কণ ছাত্ৰ-ছাত্ৰীক ৷

উল্লেখ্য যে, ক্ৰিকেট ৱৰ্ল্ড কাপৰ অফিচিয়েল টুইটাৰ একাউণ্টত এই ছবি শ্বেয়াৰ কৰা হয় ৷ ফটোখন শ্বেয়াৰ হোৱাৰ পাচতেই সৰ্বত্ৰে চৰ্চা লাভ কৰাৰ লগতে সমাদৰ লাভ কৰিবলৈ সক্ষম হৈছে ৷

2015 চনৰ 21 জুনৰ পৰা আন্তঃৰাষ্ট্ৰীয় যোগ দিৱস পালন কৰি অহা হৈছে ৷ বিশ্বকাপৰ প্ৰৱল দাবীদাৰ ৰূপে বিবেচিত হোৱা ভাৰতীয় দলে নিজৰ পৰৱৰ্তী খেলখন আফগানিস্তানৰ বিৰুদ্ধে 22 জুনত মুখামুখি হ’ব ৷ বৰ্তমানলৈকে ভাৰতীয় দলটো 2019 বিশ্বকাপত অপ্ৰতিৰোধ্য ৷ দলটোৱে 3 খন মেচত জয় লাভ কৰি চতুৰ্থ স্থানত অৱতীৰ্ণ আছে ৷