পেইণ্টবলত অংশগ্ৰহণেৰে চাপমুক্ত হোৱাৰ চেষ্টা ভাৰতীয় দলৰ

দক্ষিণ আফ্ৰিকাৰ বিৰুদ্ধে ৫ জুনৰ মেচৰ পূৰ্বে ভাৰতীয় দলে পেইণ্টবল খেলত অংশগ্ৰহণ কৰে । টুইটাৰ আৰু ইনষ্টাগ্ৰামত ফ'টোও শ্বেয়াৰ কৰে দলৰ সদস্যসকলে ।

নিউজ ডেস্ক, ১ জুন: বিশ্বকাপ ক্ৰিকেটৰ প্ৰথমখন মেচত অংশ লোৱাৰ পূৰ্বে শুকুৰবাৰে পেইণ্টবল খেলত ভাগ লয় ভাৰতীয় ক্ৰিকেট দলে । দক্ষিণ আফ্ৰিকাৰ বিৰুদ্ধে ৫ জুনত খেলৰ আৰম্ভণিৰ পূৰ্বে এইদৰেই চাপমুক্ত হ'বলৈ মনোৰঞ্জনত ভাগ লয় ভাৰতীয় ক্ৰিকেট তাৰকা কেইজনে ।

উল্লেখ্য যে, দক্ষিণ আফ্ৰিকাৰ বিৰুদ্ধে ৰ'জ বল ষ্টেডিয়ামত জয়ৰ লক্ষ্যৰে নামিবলগীয়া ভাৰতীয় দলৰ সদস্যসকলে টুইটাৰ আৰু ইনষ্টাগ্ৰামত ফ'টো শ্বেয়াৰ কৰে । অধিনায়ক বিৰাট কোহলীয়ে টুইটাৰত দলৰ সদস্যসকলৰ সৈতে পেইণ্টবলত অংশগ্ৰহণ কৰাৰ ফ'টো শ্বেয়াৰ কৰে । ইয়াৰ উপৰিও সহ অধিনায়ক ৰোহিত শৰ্মা আৰু বহুকেইজন খেলুৱৈয়ে তেওঁলোকৰ ইনষ্টাগ্ৰাম একাউন্টৰ জৰিয়তেও ফ'টো শ্বেয়াৰ কৰে ।