স্পৰ্টছ ডেস্ক,10 জুলাই : বুধবাৰে মানচেষ্টাৰৰ অ'ল্ড ট্ৰেফৰ্ডত বিয়লি 3 বজাৰ পৰা পুনৰ আৰম্ভ হ'ব ভাৰত বনাম নিউজিলেণ্ডৰ ছেমি ফাইনেল মেচ ৷ উল্লেখ্য যে,মঙলবাৰে অনুষ্ঠিত হোৱা মেচখন কিৱি বাহিনীয়ে বেটিং কৰি থকাৰ সময়তে বৰষুণৰ বাবে 46.1 অ'ভাৰত স্থগিত কৰিব লগা হৈছিল ৷ সেই সময়লৈ নিউজিলেণ্ড দলটোৱে সংগ্ৰহ কৰিছিল 5 উইকেটৰ বিনিময়ত 211 ৰাণ ৷
ভাৰত - নিউজিলেণ্ডৰ ছেমি ফাইনেলত বৰুণ দেৱতাৰ বিধি-পথালি - বৰষুণ
পুনৰ আৰম্ভ হ'ব ভাৰত বনাম নিউজিলেণ্ডৰ ছেমি ফাইনেল মেচ ৷ মঙলবাৰে বৰষুণৰ বাবে 46.1 অ'ভাৰত স্থগিত ৰাখিব লগা হৈছিল মেচ খন ৷
ভাৰত বনাম নিউজিলেণ্ডৰ ছেমি ফাইনে
বুধবাৰেও ধাৰাষাৰ বৰষুণৰ বাবে মেচখন আৰম্ভ হোৱাত কিছু পলম হোৱাৰ সম্ভাৱনা আছে ৷ ইতিমধ্যে খেলুৱৈ সকল সাজু হৈ পৰিছে যদিও বতৰৰ অনিশ্চয়তাৰ বাবে সম্পূৰ্ণৰূপে বাতিল হোৱাৰো সম্ভাৱনা আছে খেলখন ৷ ইয়াৰ পৰিপেক্ষিতত খেল বাতিল হ'লে ফাইনেলত প্ৰৱেশ কৰিব ভাৰতে ৷ আনহাতে, 'ডিএল' পদ্ধতি অৱলম্বন কৰিবলৈ হ'লে অতি কমেও 20 অ'ভাৰৰ মেচ খেলিব লাগিব কোহলী বাহিনীয়ে ৷
'ডিএল' পদ্ধতি অৱলম্বন কৰিলে ভাৰতৰ বাবে নিৰ্ধাৰিত ৰাণ সংখ্যা হ'ব -
20 অ'ভাৰত 148 ৰাণ
25 অ'ভাৰত 172 ৰাণ
30 অ'ভাৰত 192 ৰাণ
35 অ'ভাৰত 209 ৰাণ
40 অ'ভাৰত 223 ৰাণ
46 অ'ভাৰত 237 ৰাণ