নিউজ ডেস্ক, 19 জুন : ভাৰতীয় টুইটাৰে মঙলবাৰে প্ৰকাশ কৰা তথ্য অনুসৰি, বিশ্বকাপ ক্ৰিকেটত সৰ্বাধিক টুইট লাভ কৰা এদিনীয়া হিচাপে পৰিগণিত হৈছে ভাৰত - পাকিস্তানৰ মেচ ৷ দেওবাৰে চিৰবৈৰী দুয়ো দেশৰ মাজত অনুষ্ঠিত হোৱা মেচখনক লৈ সৰ্বমুঠ 2.9 মিলিয়ন টুইট হোৱাৰ তথ্য প্ৰদান কৰিছে টুইটাৰৰ ভাৰতীয় সংস্কৰণে ৷ ইয়াৰোপৰি, টুইটাৰত দুয়ো দলৰ মাজত যি তুলনা কৰা হৈছিল তাতো ভাৰতে আধিপত্য কৰিবলৈ সক্ষম হৈছিল বুলি জানিবলৈ দিয়া হৈছে ৷ টুইটত সৰ্বাধিক স্থান লাভ কৰা খেলুৱৈ হিচাপে পৰিগণিত হৈছে ভাৰতীয় দলৰ অধিনায়ক বিৰাট কোহলী ৷ লগতে বিজয় শংকৰে বিশ্বকাপৰ প্ৰথম খন মেচতে আৰু প্ৰথমটো বলতে উইকেট দখল কৰা মূহুৰ্তটো সৰ্বাধিক টুইট কৰা মূহুৰ্ত হিচাপে পৰিগণিত হৈছে ৷
সৰ্বাধিক টুইট লাভ কৰা এদিনীয়া হিচাপে পৰিগণিত ভাৰত - পাক মেচ
টুইটাৰৰ ভাৰতীয় সংস্কৰণে জানিবলৈ দিয়া অনুসৰি, বিশ্বকাপ ক্ৰিকেটত সৰ্বাধিক টুইট হোৱা মেচ হিচাপে পৰিগণিত হৈছে ভাৰত - পাকিস্তানৰ মেচ ৷ এই মেচক লৈ সৰ্বমুঠ 2.9 মিলিয়ন টুইট হোৱাৰ তথ্য প্ৰদান কৰিছে টুইটাৰে ৷
সৰ্বাধিক টুইট লাভ কৰা এদিনীয়া
উল্লেখ্য যে, বহুচৰ্চিত এই হাই ভল্টেজ মেচত ভাৰতে পাকিস্তানক 89 ৰাণত পৰাস্ত কৰি বিশ্বকাপ ইতিহাসত পাকিস্তানৰ বিৰুদ্ধে অপৰাজেয় হৈ ৰৈছে ৷ ভাৰতে জুনৰ 22 তাৰিখে আফগানিস্তানৰ বিৰুদ্ধে যুঁজত নামিব ৷