টীম ইণ্ডিয়াৰ বাবে ডিব্ৰুগড়ৰ মছজিদত বিশেষ দোৱা

টীম ইণ্ডিয়াৰ বাবে ডিব্ৰুগড়ৰ লালুকা অঞ্চলৰ মছজিদত ইছলাম ধৰ্মাৱলম্বী লোকসকলে আয়োজন কৰিলে সমূহীয়া দোৱাৰ ৷ দোৱাত পাকিস্তানৰ বিৰোধিতা কৰাৰ উপৰি বিৰাট কোহলি, ৰোহিত শৰ্মা, হাৰ্দিক পাণ্ডিয়াৰ লগতে দলৰ প্ৰতিজন খেলুৱৈয়ে ভাল প্ৰদৰ্শন কৰিবলৈ আল্লাক কাকুতি - মিনতি জনালে উপস্থিত সকলোৱে ৷

ডিব্ৰুগড়, 16 জুন : ডিব্ৰুগড়ৰ লালুকা অঞ্চলৰ মছজিদত মুছলিম ধৰ্মাৱলম্বী লোকসকলে আয়োজন কৰিছে এক বিশেষ দোৱাৰ ৷ কিন্তু এইবাৰ বিশ্ব শান্তিৰ বাবে নহয়, এইবাৰ দোৱা কৰা হ'ল পাকিস্তানৰ বিৰুদ্ধে দেওবাৰৰ বিশ্বকাপত ভাৰতে সুন্দৰ প্ৰদৰ্শন আগবঢ়োৱাৰ বাবেহে ৷ পাকিস্তানৰ বিৰোধিতা কৰাৰ উপৰি বিৰাট কোহলী, ৰোহিত শৰ্মা, হাৰ্দিক পাণ্ডিয়াৰ লগতে দলৰ প্ৰতিজন খেলুৱৈয়ে ভাল প্ৰদৰ্শন কৰিবলৈ প্ৰাৰ্থনা কৰা হয় ৷

পাকিস্তানক পুনৰ পৰাস্ত কৰাৰ উপৰি তৃতীয়বাৰৰ বাবে বিশ্বকাপ খিতাপ ভাৰতে দখল কৰিবলৈও দোৱা জনায় মুছলমান লোকসকলে ৷ জাতি - ধৰ্ম নিৰ্বিশেষে এনেদৰেই ব্যতিক্ৰমী দোৱা জনাই সকলোৰে দৃষ্টি আকৰ্ষণ কৰিলে তেওঁলোকে ৷