বলিদান চিহ্ন থকা গ্ল'ভছ বাদ দিলে ধোনীয়ে

অষ্ট্ৰেলিয়াৰ বিৰুদ্ধে দেওবাৰে অনুষ্ঠিত বিশ্বকাপৰ মেচত ভাৰতীয় উইকেট কীপাৰ বেটছমেন এম. এছ. ধোনীক পেৰা কমাণ্ডোৰ বলিদান চিহ্নখচিত গ্ল’ভছ পৰিধান কৰা দেখা নগ'ল ৷ দক্ষিণ আফ্ৰিকাৰ বিৰুদ্ধে প্ৰথমখন মেচত পেৰা কমাণ্ডোৰ বলিদান চিহ্নখচিত গ্ল’ভছ পৰিধান কৰি বিতৰ্কত সোমাই পৰিছিল ধোনী ৷

নিউজ ডেস্ক,10 জুন: ভাৰতীয় ক্ৰিকেট দলৰ উইকেট কীপাৰ বেটছমেন এম. এছ. ধোনীক অষ্ট্ৰেলিয়াৰ বিৰুদ্ধে অনুষ্ঠিত বিশ্বকাপৰ দ্বিতীয়খন মেচত পেৰা কমাণ্ডোৰ বলিদান চিহ্নখচিত গ্ল’ভছ পৰিধান কৰা দেখা নগ'ল ৷ বি চি চি আইয়ে ধোনীক এই গ্ল'ভছ পৰিধান কৰাৰ অনুমতি দিবলৈ আই চি চিক আবেদন জনাইছিল যদিও ক্ৰিকেটৰ আন্তৰাষ্ট্ৰীয় সংস্থাটোৱে সন্মতি প্ৰদান নকৰাত সেই গ্ল'ভছ পৰিধান কৰাৰ পৰা বিৰত থাকে ধোনী ৷

এম. এছ. ধোনী

উল্লেখ্য যে,বিশ্বকাপত দক্ষিণ আফ্ৰিকাৰ বিৰুদ্ধে অনুষ্ঠিত ভাৰতৰ প্ৰথমখন মেচতে খেলুৱৈ গৰাকীয়ে বলিদান চিহ্নখচিত গ্ল'ভছ পৰিধান কৰি অনাকাংক্ষিত বিতৰ্কত সোমাই পৰিছিল ৷ দেওবাৰৰ মেচত অষ্ট্ৰেলিয়াৰ বিৰুদ্ধে ভাৰতে বেটে-বলে উজ্জীৱিত প্ৰদৰ্শন কৰাৰ লগতে 36 ৰাণত জয় সাব্যস্ত কৰিবলৈ সক্ষম হয় ৷