নিউজ ডেস্ক, ১৫ জুন : বিশ্বকাপ ক্ৰিকেটৰ বহু প্ৰতিক্ষীত ভাৰত - পাকিস্তান যুঁজৰ বাবে মাজত মাথো এটা দিন বাকী থকাৰ সময়তে ছ'চিয়েল মিডিয়াত স্থান লাভ কৰিছে হাস্যৰসিক ছবি তথা ভিডিঅ'ই । যেন এক অঘোষিত যুদ্ধৰহে প্ৰস্তুতি চলিছে দুই দেশৰ ক্ৰীড়াপ্ৰেমীৰ মাজত । সীমান্তৱৰ্তী দুয়োখন দেশৰ ক্ৰীড়া অনুৰাগীয়ে ইটোৰ পাছত সিটো সৃষ্টিশীল ভিডিঅ' তথা ছবি প্ৰস্তুত কৰি এই যুঁজৰ বাবে উৎকন্ঠাৰে বাট চাইছে ।
ভাইৰেল খুহুতীয়া ভিডিঅ' তথা ছবি
উল্লেখ্য যে, পাকিস্তানে কৰায়ত্ত কৰা ভাৰতীয় বায়ু সেনাৰ উইং কমাণ্ডাৰ অভিনন্দন ৱৰ্ধমানৰ এক ভিডিঅ' কিছুদিন পূৰ্বে ছ'চিয়েল মিডিয়াত প্ৰকাশ পাইছিল । ৱৰ্ধমানক ঠাট্টা কৰা এই ভিডিঅ' দেখা পাই ক্ষুণ্ণ হৈ পৰিছিল ভাৰতীয় ক্ৰিকেটপ্ৰেমী । ইয়াৰ পাছতে ভাৰতীয় সকলেও ইয়াৰ প্ৰত্যুত্তৰ হিচাপে খুহুতীয়া ভিডিঅ' নিৰ্মানেৰে চ'ছিয়েল মিডিয়া তোলপাৰ লগোৱা পৰিলক্ষিত হৈছে ।