স্পৰ্টছ ডেস্ক, 11 অক্টোবৰঃ পুণেৰ মহাৰাষ্ট্ৰ এশ্ব’ছিয়েচন ষ্টেডিয়ামত অনুষ্ঠিত হৈ থকা দ্বিতীয়খন টেষ্টত শতক অৰ্জন বিৰাট কোহলিৰ ৷ টেষ্ট কেৰিয়াৰৰ 26 সংখ্যক শতক অৰ্জন কৰিবলৈ সক্ষম হৈছে ভাৰতীয় খেলুৱৈগৰাকীয়ে ৷ আনহাতে টেষ্ট ক্ৰিকেটৰ অধিনায়কৰ ভূমিকাত কোহলিৰ এইটো হৈছে 19 সংখ্যক শতক ৷
ভাৰত বনাম দক্ষিণ আফ্ৰিকাঃ বিৰাটৰ 26 সংখ্যক শতক - পুণেৰ মহাৰাষ্ট্ৰ এশ্ব’ছিয়েচন ষ্টেডিয়াম
দক্ষিণ আফ্ৰিকাৰ বিৰুদ্ধে চলি থকা দ্বিতীয়খন টেষ্টত বিৰাটৰ শতক ৷ অধিনায়ক হিচাপে 19 সংখ্যক শতক কোহলিৰ ৷
Virat 26th Ton Against South Africa, 2nd test
এই শতক অৰ্জনেৰে অধিনায়ক হিচাপে শতক অৰ্জন কৰা তালিকাত অষ্ট্ৰেলিয়াৰ প্ৰাক্তন খেলুৱৈ তথা অধিনায়ক ৰিকী পণ্টিঙৰ সৈতে যুটীয়া ভাৱে দ্বিতীয় স্থানত আছে কোহলি ৷ আনহাতে 25 টা শতক অৰ্জনেৰে শীৰ্ষত আছে দক্ষিণ আফ্ৰিকাৰ প্ৰাক্তন অধিনায়ক গ্ৰেম স্মিথ ৷ কোহলিয়ে 81 খন টেষ্ট মেচৰ 138 টা ইনিংছত এই কৃতিত্ব লাভ কৰি দ্ৰুততম 26 সংখ্যক শতক অৰ্জন কৰা খেলুৱৈৰ তালিকাত সুনীল গাভাস্কাৰৰ অভিলেখ অতিক্ৰম কৰিবলৈ সক্ষম হয় ৷ গাভাস্কাৰে 144 টা ইনিংছত অৰ্জন কৰিছিল নিজৰ 26 সংখ্যক শতক ৷