স্পৰ্টছ ডেস্ক, 7 ডিচেম্বৰ : দ্বিতীয় টি-20 মেচত দূৰ্দান্ত প্ৰদৰ্শনেৰে অল ৰাউণ্ডাৰ হাৰ্ডিক পাণ্ডিয়াই 'মেন অৱ দা মেচ'ৰ সন্মান লাভৰ পাচতে টি. নটৰাজন সম্পৰ্কত মন্তব্য কৰে ৷ দ্বিতীয় টি-20 ত 22 বলত 42 ৰাণৰ ইনিংছ গঢ়িছিল পাণ্ডিয়াই ৷ আনহাতে, টি. নটৰাজনে চাৰি অ'ভাৰত 20 ৰাণ দি দুটা উইকেট সংগ্ৰহ কৰিছিল ৷ অষ্ট্ৰেলিয়াই ভাৰতৰ বিৰুদ্ধে সংগ্ৰহ কৰিছিল 194 ৰাণ ৷
পাণ্ডিয়াই কয়, "মই কৈছিলো তেওঁ (নটৰাজন) মেন অৱ দা মেচ হোৱা উচিত কিন্তু তেওঁলোকে ক'লে যে, এয়া বেটছমেনৰ মেচ ৷ যেতিয়া ৰাণ ৰেট অধিক হৈ আছিল তেওঁ অষ্ট্ৰেলিয়াৰ বেটছমেনক কম ৰাণ দিছিল ৷ তেওঁ 10-15 ৰাণ কমকৈ দিয়া বাবে বৃহৎ প্ৰাৰ্থক্য আহিছিল ৷ ড্ৰেছিং ৰুমলৈ গৈয়ে মই কৈছিলো যে, যিহেতু তেওঁলোকে 10-15 ৰাণ কমকৈ কৰিছে সেয়েহে আমি সাধাৰণ ক্ৰিকেট খেলিলেই জয় সাব্যস্ত কৰিবলৈ সক্ষম হ'ম ৷"